Tuesday, 05 April 2016 14:42

አትሌቶች በቂ እውቀት ሳይኖራቸው ደፋር መሆናቸው ለዶፒንግ አጋልጧቸዋል ተባለ፡፡

Written by 

መጋቢት 26/2008 ዓ.ም

ኢትዮጲያዊያን አትሌቶችን ለዶፒንግ ተጠቃሚነት የሚዳረጉ ናቸው የተባሉ ምክንያቶች ይፋ ተደርገዋል፡፡ ስለ ዶፒንግ የግንዛቤ ማስጨበጫ መረሀ ግብር ላይ ለመገናኛ ብዙሀኑ መረጃውን የሰጡት የወጣቶችና ስፖርት ሚኒስቴር የህክምና ማዕከል ሀላፊ ዶክተር አያሌው ጥላሁን “እናመልጣለን፤ ምንም አንሆንም ወይም አንያዝም” የሚሉ አትሌቶች በመኖራቸው እራሳቸውን ሊያርሙ ይገባል ሲሉ አስጠንቅቀዋል፡፡

በቂ እውቀት ሳይኖር ደፋር መሆናቸው፣ በወሬ ስለሚፈቱ፣ ስለማይጠራጠሩ፣ አጉል እምነት፣ ማማከር ነውር ስለሚመስላቸው እና ስለሚፈሩ እንዲሁም ነጭ አምላኪ መሆናቸው ለዶፒንግ ተጠቃሚነት አጋልጧቸዋል ሲሉ አስረድተዋል፡፡ የአትሌቶቹ ማህበር፣ ሚዲያው፣ የአሰልጣኞች ማህበር፣ አትሌቲክስ ፌደሬሽን፣ የኦሎምፒክ ኮሚቴ፣ ወጣቶች እና ስፖርት ሚኒስቴር የቀድሞ ጀግኖች አትሌቶች የመፍትሄው አካል በመሆን የሚችሉትን ድጋፍ እንዲያደርጉ ዶ/ር አያሌው ጠይቀዋል፡፡

ሰኔ 30/1999 በአዋጅ ቁጥር 554/1999 ህጉ ጻድቆ ዶፒንግ መውሰድ በወንጀል፣ በፍትሃ ብሄር እና በአስተዳደር ክስ የሚያስመሰርት መሆኑም ይታወቃል፡፡

(የሃገሬ ስፖርት)

Read 417 times

Leave a comment

Make sure you enter the (*) required information where indicated. HTML code is not allowed.