Monday, 01 February 2016 09:43

የሴቶች ብሔራዊ ቡድን ዝግጅት በቅርቡ ይጀመራል፡፡

Written by 

ጥር 23/2008 ዓ.ም

የኢትዮጵያ ሴቶች ብሔራዊ እግር ኳስ ቡድን /ለሲዎቹ/ የ2016 የአፍሪካ ዋንጫ ዝግጅታቸውን በቅርቡ ይጀምራለ፡፡ የአፍሪካ እግር ኳስ ኮንፌዴሬሽን /ካፍ/ የቶጎ ብሔራዊ ቡድን ከ2016 የአፍሪካ እግር ኳስ ዋንጫ የማጣሪያ ውድድር በይፋ መውጣቱን ተከትሎ ባስተላለፈው ውሳኔ መሰረት የኢትዮጵያ ሴቶች ብሔራዊ እግር ኳስ ቡድን የመጀመሪያ የማጣሪያ ጨዋታውን ከአልጄሪያ አቻው ጋር እ.ኤ.አ ከማርች 4 እስከ 20 /2016 ባሉት ቀናት ውስጥ ያካሂዳል፡፡ የመጀመሪያው ጨዋታ በአልጀርስ የሚከናወን ሲሆን የመልሱ ደግሞ በአዲስ አበባ እንደሚካሄድ ለማወቅ ተችሏል፡፡

የኢትዮጵያ እግር ኳስ ፌዴሬሽን የስራ አስፈጻሚ ኮሚቴ ከሴቶች ብሔራዊ ቡድን ምዝገባ ጋር ተያይዞ የተፈጠረውን የአሰራር ችግር መሰረት በማድረግ የለሲዎቹ ተሳትፎ እንዲቀጥል ባደረገው ያላሰለሰ ጥረት በተለይም የፌዴሬሽኑ ፕሬዚዳንት በካይሮ የካፍ ዋና ጽህፈት ቤት እንዲሁም በሩዋንዳ ኪጋሊ የቻን ውድድር ወቅት ጉዳዩ የሚመለከታቸውን የካፍ የስራ ሃሊፊዎች በማነጋገር ያከናወኑት ዲፕሎማሲያዊ ተግባር የሚፈለገውን ውጤት አስገኝቷል፡፡ ኢትዮጵያ የሴቶች እግር ኳስ ስፖርት እድገት ልዩ ትኩረት በመስጠት በአፍሪካ ከ17 ዓመት በታች እና ከ20 ዓመት በታች ውድድሮች ያደረገችው ንቁ ተሳትፎና ብርቱ ተፎካካሪነት በካፍ ልዩ ስፍራ የተሰጠው መሆኑ ለተሳትፎው ቀጣይነት ከፍተኛ ድርሻ አበርክቷል፡፡

በእነዚህ አጋጣሚ የካፍ ፕሬዚዳንት ሚ/ር ኢሳ ሀያቱ እንዲሁም ዋና ፀሃፊው ሂሻም ኤልማርኒ በተጫማሪም የካፍ የስራ አስፈጻሚ ኮሜቴ አባላት እና የስራ ሃላፊዎች ኢትዮጵያ በ2016 የሴቶች የአፍሪካ ዋንጫ ማጣሪያ ውድድሮች እንድትካፈል ላደረጉት ከፍተኛ እገዛና ለተላለፈው ውሳኔ ፌዴሬሽኑ ታላቅ ምስጋናውን ያቀርባል፡፡ ውሳኔው በካፍ እና የኢትዮጵያ እግር ኳስ ፌዴሬሽን መካካል የተፈጠረው መልካም ግንኙነት ውጤት ተደርጎ እንደሚወሰድም ፌዴሬሽኑ በጽኑ ያምናል፡፡ 
 - ምንጭ - የኢትዮጵያ እግር ኳስ ፌዴሬሽን

Read 419 times

Leave a comment

Make sure you enter the (*) required information where indicated. HTML code is not allowed.