ያልተገባ ዉህደት ፈጽማችኋል በሚል የተከሰሱት አምቦ ዉሃ እና ኢስት አፍሪካ ቦትሊንግ ያቀረቡት የክስ መቃወሚያ ዉድቅ ተደረገባቸዉ፡፡
አምቦ የማዕድን ዉሃ አክሲዮን ማህበር እና ኢስት አፍሪካ ቦትሊንግ አክሲዮን ማህበር በኢኮኖሚ ላይ አሉታዊ ተጽዕኖ የሚያሳድር ዉህደት እና የዉህደት ቅንብር ፈጽመዋል በሚል በፌደራል ሸማቾች እና የንግድ ዉድድር ባለስልጣን በቀረበባቸዉ ክስ መሰረት ሰኔ 26 ቀን 2009 አ. ም ላይ በዋለዉ ችሎት የ አንደኛ ተከሳሽ ኢስት አፍሪካ ቦትሊንግ ጠበቃ ባቀረቡት የክስ መቃወሚያ ላይ ችሎቱ ዛሬ ነሃሴ 17 2009 አ.ም ብይን ሰጥቷል፡፡
ጠበቃዉ በመቃወሚያቸዉ ዉህደት ወይም ቅንብር መኖርን የሚመለከት የክስ ምክንያት ስለሌለ ክሱ ዉድቅ እንዲደረግ ለ ችሎቱ ጠይቀዉ የነበረ ሲሆን የባለስልጣን መ/ቤቱ የክስ ባለሞያ በበኩላቸዉ ጉዳዩ የህዝብ እና የመንግስት ነዉ ይህ ህጋዊ ያልሆነ ዉህደት በመፈጸሙም እንደ ሀገር ብዙ የሚታጣ ነገር አለ ሲሉ መቃወሚያዉ ዉድቅ እንዲሆን ጠይቀዉ ነበር ፡፡
በዛሬዉ እለት በዋለዉ ችሎትም ባለስልጣን መ/ቤቱ በአዋጁ በተቀመጠዉ መሰረት የመክሰስ መብት ስላለዉ እና የተጠቀሱት ምክንያቶች አሳማኝ ሆነዉ በመገኘታቸዉ ችሎቱ የ አንደኛ ተከሳሽን መቃወሚያ ውድቅ አድርጓል፡፡
በዚህም በሁለቱም በከሳሽ እና ተከሳሽ በኩል የቀረቡት ማለትም
በህጉ ዉህደት እና የዉህደት ቅንብር በአዋጁ መሰረት አንድ ናቸዉ ወይስ የተለያዩ ናቸዉ በሚል፤
ተከሳሾች ህጉ ከሚያዘዉ ዉጪ የዉህደት ስምምነት ፈጽመዋል ወይስ አልፈጸሙም በሚል እና
ዉህደት ተፈጽሟል ከተባለስ የሚጠየቀዉ ዳኝነት ምንድነዉ በሚሉት 3 ጭብጦች ላይ የቃል ክርክር ለማድረግ ችሎቱ ለ ጳሉሜ 1 ቀን 2009 አ.ም ቀጠሮ ይዟል፡፡
ዘገባዉ የእጹብድንቅ ሀይሉ

Thursday, 24 August 2017 08:37

የፕሬዝዳንት ትራንፕ አስተዳደር ለግብጽ የሰብአዊ መብት እርዳት የሚውለው ሶስት መቶ ሚሊየን የአሜሪካ ዶላር እንዲቀነስ ወስኗል

የፕሬዝዳንት ትራንፕ አስተዳደር ለግብጽ የሰብአዊ መብት እርዳት የሚውለው ሶስት መቶ ሚሊየን የአሜሪካ ዶላር እንዲቀነስ ወስኗል
የትራንፕ አስተዳደር ለግብጽ ኢኮኖሚ ድጋፍ የሚውል ዘጠና ስድስት ሚሊየን ዶላር እንዲከለከል ሲወስን ለወታደራዊ ሀይል የሚውል ደግሞ አንድ መቶ ዘጠና አምስት ሚሊየን ዶላር እንዲዘገይ ወስኖል ፡፡ ሀገሪቱም በሰበአዊ መብት ጉዳይ ላይ ዝቅተኛ አስተዋጽዎ እንዳላትም ተገልጾል፡፡
የአስተዳደሩ ባለስልጣን እንደገለጹት በሰብአዊ መብት ጉዳይ አንደራደርም የግብጽ መንግስትም ሆነ የሰብአዊ መብት ድርጀቶም በትኩረት እየሰሩ አይደለም፤ ሌላው ደግሞ የጦር ሀይሉ መቀዛቀዝ በተዘዋዋሪም ሆነ በቀጥታ የአሜሪካን የሀገር ደህንነት ይነካዋል ሲሉ ለሲ ኤን ኤ የዜና ምንጭ ገልጸዋል፡፡
አሜሪካ ለሰላሳ አመታት ያህል ለግብጽ ሰብአዊ መብት ጥበቃ የሚውል ሰማኒያ ሚሊየን ዶላር ስትረዳት እንደነበርም ተገልጾል፡፡ በነገሩ ላይ የአሜሪካ አስተዳደር እንደዚህ ቢልም የግብጹ ፕሬዝዳንት አብድል ፈተህ አል ሲስ ምክንያታቸው እሱ አይደለም ፕሬዝዳንት ዶላንድ ትራምፕ የሚቃወሙት ግብጽ ከሰሜን ኮሪያ ጋር ባለት ወዳጅነት ነው ሲሉ ለኒወርክ ታይምስ ቃለቸውን ሰተዋል ሲል የዘገበው ዩፒአይ ነው፡፡

Wednesday, 23 August 2017 08:29

በማሊ ባቡር ላይ በተቀሰቀሰ የቦንብ ጥቃት የ ስድስት ሰዎች ህይወት አልፏል፡፡

በማሊ ባቡር ላይ በተቀሰቀሰ የቦንብ ጥቃት የ ስድስት ሰዎች ህይወት አልፏል፡፡
ከመቶ ሀምሳ በላይ ተሳፋሪዎችን ይዞ ሲጓዝ የነበረዉ ባቡር ላይ የተቀሰቀሰዉ አመፅጽ ለስድስት ሰዎች ህይወት መጥፋት መንስኤ ሲሆን ከሀያ ስምንት የሚበልጡ ሰዎችን ለከፋ ጉዳት ዳርጓቸዋል ፡፡
በባቡሩ ከተሳፈሩ ተሳፋሪዎች መካካል አራት ሰዎች ተቀጣጣይ ቦንብ በቦርሳቸዉ ይዘዉ እንደነበርና ሊያፈነዱት ሲሞክሩ በካሜራ መስኮት ያዩት የባቡሩ ሾፌር ከተቆጣጣሪ ፖሊሶች ጋር በመሆን ፍንዳታዉን ለማስቆም ባደረጉት ጥረት መካካል በተፈጠረ ሽብር አንደኛዉ ተቀጣጣይ ቦንቡን በማፈንዳቱ የሦስት ሴቶችና የአንድ ወንድ ህይወት ወድያዉኑ ሲያልፍ ሀያ ስምንት ሰዎች ላይ የከፋ ጉዳት ደርሶባቸዋል፡፡
ጉዳቱ ከደረስባቸዉ ሀያ ስምንት ሰዎች መካከል አስራ አራቱ ወንዶች ስምንት ሴቶችና የተቀሩት አራቱ ህጻናቶች መሆናቸዉን የማሊ ፖሊስ አስታዉቋል፡፡
ፖሊስ ጉዳቱን ያደረሱትን አሸባሪዎች ከየትና እነማን እንደሆኑ በማጣራት ላይ እንዳለ ገልፆ መረጃዉን በሁለት ቀን ዉስጥ ይፋ እንደሚያደርግም ተናግሯል፡፡
በፍንዳታዉ ጉዳት የደረሰባቸዉ ሰዎች በማሊ ሆስፒታል የህክምና እየተደረገላቸዉ እደሚገኝ የገለጸዉ ከተማዉ ባቡር አገልግሎት ዋና ሀላፊ የሆኑት ዋላፒ መጋኒ ከዚህ ቀደም እንዲህ አይነቱ የሽብር ጥቃት ደርሶ አያዉቅም ከዚህ በሀሏም አይደርስም ሲሉ ሜሊዋ ለተባለዉ የከተማዉ የዜና ምንጭ ተናግረዋል፡፡
ስለሽብርተኞቹ ምንም ከማለት የተቆጠበዉ የከተማዉ ፖሊስ ከሌላዉ ጊዜ በተለየ በየባቡር ጣቢያዉና በየመዳረሻዎች ላይ ጥብቅ የሆነ ቁጥጥር ማድረግ እንደሚጀምርም አክሏል፡፡
በከተማዋ ከሁለት ሳምንት በፊት በፕሮቴስታንት በቴ እምነት ላይ ተመሳሳይ የሆነ የቦምብ ጥቃት ደርሶ የሁለት ሰዎች ህይወት ማለፉ የሚታወስ ነዉ፡፡
ኤፍፕ ዘግቦታል፡፡

ብሄራዊ የደም ባንክ አገልግሎት በተጠናቀቀው የበጀት አመት በአገር አቀፍ ደረጃ 173 ሺህ 923 ዩኒት ደም በመላ ሀገሪቱ በሚገኙ 24 የደም ባንኮች አማካኝነት ሰብስቧል፡፡
በዘንድሮው አመት የተሰበሰበው ደም ከአምናው ተመሳሳይ ወቅት ጋር ሲነጻጸር በ33 ሺህ 862 ዩኒት ደም ብልጫ እንዳለውም የብራዊ ደምባንክ አገልግሎት ዋና ዳይሬክተር ዶክተር ብርሀኑ ስዩም ተናግረዋል፡፡
የሚሰበሰበውን ደም ሙሉ ለሙሉ ከበጎ ፈቃደኛ ደም ለጋሾች የተሰበሰበ ሲሆን ቀሪው 1.3 በመቶ ከቤተሰብ ምትክ የተለገሰ እንደሆነ ዋና ዳይሬክተሩ አብራርተዋል፡፡
ከቤተሰብ ምትክ የደም ልገሳ ሙሉ ለሙሉ ባልተላቀቁት የጂግጂጋ፤ሀረርና ድሬ ዳዋ ደም ባንኮች የቅስቀሳ እና የግንዛቤ ማስጨበጫ ትምህርቶችን ለህብረተሰቡ ሰጥተዋል፡፡
በ2010 አ.ም 241 ሺህ ዩኒት ደም ከበጎ ፈቃደኞች ደም ለጋሾች ለማሰባሰብም ታቅዷል፡፡
ናርዶስ ዩሴፍ

Wednesday, 23 August 2017 08:14

በአለም አቀፉ የቀይ መስቀል ድርጅት ባወጣው መረጃ መሰረት ደቡብ ኤሲያ ሀያ አራት ሚሊየን የሚሆኑ ዜጎች በጎርፍ ተጠቅተዋል

በአለም አቀፉ የቀይ መስቀል ድርጅት ባወጣው መረጃ መሰረት ደቡብ ኤሲያ ሀያ አራት ሚሊየን የሚሆኑ ዜጎች በጎርፍ ተጠቅተዋል
በከፍተኛ ጎርፍ ምክንያት በደቡብ ኤሲያ ውስጥ የሚገኙት ባንግላዲሽ፣ ህንድ እና ኔፓል ከሀያ አራት ሚሊየን በላይ ዜጎች ህይወታቸውን አልፎል እንዲሁም ከፍተኛው የሀገራቱ መሬት ጉዳት ደርሶበታል፡፡በዚህም ሰባት መቶ ሀምሳ የሚሆኑት በቅርቡ በወቅታዊ ዝናብ በተከሰተው ጎርፍ እንደሆነም ተገልጾል፡፡
የአለም አቀፉ የቀይ መስቀል ዋና ጸሃፊ የሆኑት ጀነራል ጃገን ቻፕጌን እንደገለጹት በዘመኑ ታይቶ የማይታወቁ አደጋዎችን ተመልክተናል የኔፕል አንድ ሶስተኛ ህዝቧ አልቆል፤የባንግላዲሽም አንድ ሶስተኛ ህዘቦም በዚህ ምክንያት ሞቶል ፡፡ ለደቡብ ኤሲያ ሀገራት በጣም ከባድ ሞት ነው ፤ በጎርፉ ምክንያት በሶስቱም ሀገራት ላይ በመቶዎች የሚቆጠሩ ሰዎች የትራንስፖርት እጥረትም አጋጥሞቸዋል
የቀይ መስቀል ሰራተኞችም ትንንሽ ጀልባዎችን እንደመጓጓዣ በመጠቀም ለህዝቡ የምግብ እና የንጹህ ውሃ እርዳታን እያደረሱ ነው፡፡ በመቶ አመት ጊዜ ውስጥ እንደዚህ አይነት ትእይንት ታይቶ አይታወቅም ሲሉም ጸሃፊው ተናግረዋል፡፡
ድርጅቱ የኔፕልን ችግር ለመፍታት ሶስት ነጥብ ስድስት ሚሊየን የአሜሪካ ዶላር መደቦል በተያያዘም በባንግላዲሽም አንድ የአደጋ መከላከያ ተቆም ለመክፈትም ስምምነት ላይ ደርሶል ሲል አጀንስ ፍራንስ ፕረስ እና ፕረስ ቲቪ ዘግቦታል፡፡

Wednesday, 23 August 2017 08:07

በሲሪያ በደረሰ የቦንብ ጥቃት ከአርባ ሁለት ያለነሱ ንጹሃን ዜጎች ህይወታቸው አልፏል

በሲሪያ በደረሰ የቦንብ ጥቃት ከአርባ ሁለት ያለነሱ ንጹሃን ዜጎች ህይወታቸው አልፏል
ባሳለፍነው ሰኞ የአሜሪካው መራሹ ጦር በእስላማዊ ሀገራት ቡድን ድንበር በሆነቸው ሲሪያን ከተማ ባደረሰው የቦንብ ጥቃት አርባ ሁለት ንጹሃን ዜጎች ህይወታቸው ሲያልፍ ከነሱ መካከል አስራ ዘጠኙ ህጻናት ሲሆኑ አስራ ሁለቱ ደግሞ ሴቶች ናቸው ሲል የራቋ ሞኒተር ዘግቦታል፡፡
የሰብአዊ መብት ጥበቃ ለአጀንስ ፍራንስ ፕረስ እንደገለጸው በጣም አስፈሪ እንደነበር የሴሪያ ግማሽ ያህል ዜጎችም ተይዘው እንደነበር ተገላጾል፡፡ የመጨረሻዎቹ ማስረጃዎች እንደሚያመለክቱት እ.እ.አ እስከ ኦገስት አስራ አራት ድረስ አንድ መቶ ስልሳ ሰባት ንጹሀን ዜጎች ሞተዋል፤ ሀያ ሰባት ያህል ዜጎች ደግሞ ባሳለፍነው እሁድ ህይወታቸው አልፎል፡፡
የሰብአዊ መብት ጥበቃ ዳይሬክተር የሆኑት ራሚ አብድል ራህማን እንደገለጹት ከሆነ መሳሪያዎቹ በጣም ሀይለኛ ከመሆናቸው የተነሳ ሰለባው ለጎረቤት ሀገሮችም ደርሶል የከተማዋ ነዋሪዎችም ጥቅጥቅ ባለ አከባቢ ስለሚኖሩ አደጋው ከፍቶል ሲሉ አስቀምተዋል፡፡
በተባበሩት መንግስታት ድርጅት መረጃ መሰረት ሀያ አምስት ሺ የሚጠጉ ዜጎች በሀገሪቱ የምግብ እጥረት ፣ የነዳጅ አቅርቦት ማነስ እና ለኑሮ ውድነት እንደሚጋለጡ አስቀምጦል፡፡ በአሁኑ ጊዜ ከተማዋ ለሽብር ምቹ ከመሆኖም በላይ ለ ጽንፈኛው የአይ ኤስ ቡድን የጦር ስፍራም ናት፡፡
በሴሪያ ግጭት ምክንያት ሶስት መቶ ሰላሳ ሺ ሰዎች ሞተዋል፡፡ በሴሪያና በጎረቤት ሀገሯ ኢራቅ ንጹሃን ዜጎችን ለማትረፍ የትኛውንም አማራጭ መንገድ መጠቀም እንዳለባቸው የተባበሩት መንግስታት ድርጅት ይናገራል ሲል አጀንስ ፍራነስ ፕረስ ዘግቦታል፡፡