አገር አቀፍ ዜናዎች

ህዳር 20/2008 ዓ.ም

ይኸው አዲሱ ማስፋፊያ በ2017 እንደ ፈረንጆቹ ዘመን አቆጣጠር ሲጠናቀቅ 22 ሚሊዮን መንገደኞችን በዓመት ማስተናገድ ይችላል ተብሏል፡፡

አሁን ላይ ዓለም አቀፍ አውሮፕላን ማረፊያው ከ7.5 - 8 ሚሊዮን ለሚሆኑ መንገደኞች አገልግሎት የሚሰጥ ሲሆን ማስፋፊያው ሲጠናቀቅ ይሄን ቁጥር በ3 እጥፍ ያሳድገዋል ተብሏል፡፡

በቦሌ ዓለም አቀፍ አውሮፕላን ማረፊያ የተርሚናል 2 ማስፋፊያ 22 ከመቶ የግንባታ ሂደቱ ሲጠናቀቅ ከታቀደለት ጊዜ 25 ከመቶ ተጉዟል ነው የተባለው፡፡

በተያያዘ ዜና፡- ኢትዮጵያ በ2050 100 ሚሊዮን መንገደኞችን በዓመት ማስተናገድ የሚችል የአውሮፕላን ማረፊያ ይኖራታል ተባሏል፡፡

ከአዲስ አበባ በ100 ኪ.ሜ ርቀት ላይ ይገነባል የተባለለት ግዙፉ የአውሮፕላን ማረፊያ ከ55-100 ሚሊዮን መንገደኞችን በዓመት ያስተናግዳል ተብሏል፡፡

ለአዲሱ የአውሮፕላን ማረፊያ ግንባታ ከተጠኑት ቦታዎች አሁን ላይ ሶስት የሚሆኑት ተለይተው ግንባታው ከ7 ዓመት በኋላ የሚጀምር ሲሆን፡፡

በ10 ዓመት ጊዜ ውስጥ የሚጠናቀቅ ይሆናል፡፡ ለዚህ ግንባታ በመጀመሪያ ዙር በተደረገ ጥናት 225 ሚሊዮን ዶላር የግንባታ በጀት ይጠቀማል ቢባልም የቦታ ስፋቱ ከ61ሺ ካሬ ሜትር ወደ 90ሺ ካሬ ሜትር በማደጉ አጠቃላይ ወጪው 345 ሚሊዮን ዶላር ደርሷል፡፡

ለዚህም መንግሥት ካፀደቀው 225 ሚሊዮን ዶላር በልዩነት ለመጣው 120 ሚሊዮን ዶላር ከቻይና ባንክ በብድር የሚገኝ ይሆናል ያሉት የማስፋፊያ ፕሮጀክቱ ሃላፊ ኢንጅነር ሃይሉ ገ/ማርያም ናቸው፡፡ (እንየው ቢሆነኝ) 

ህዳር 20/2008 ዓ.ም

በአማራ ብሔራዊ ክልል በሰሜን ወሎ ዞን በራያ ቆቦ ከሚገኙ 43 ቀበሌዋች ውሰጥ 23 የሚሆኑት በድርቅ ተጎድተዋል። ከዚህ ውሰጥ 11 የሚሆኑት በከፍተኛ  ሁኔታ የተጎዱ ናቸው።

ከ1.08 ሚሊየን ኩንታል ውሰጥ  371 ሺህ 123 ምርት ብቻ ሲጠበቅ የተቀረው በድርቅ ምክንያት ወድሟል። የክልሉ መንግሰትም ድጋፍ እያደረገ ነው፡፡  በ2.3 ሚሊዮን ብር ወጪም 5 ጀነሬተሮች ተገዝተዋል። የመስኖ ስራ እየተከናወነ ነው፤ ይህም 70 ሔክታር መሬት በሰከንድ 70 ሊትር ያመነጫል። በድርቅ ለተጉዱ አካባቢዎች ይህን የመስኖ ፕሮግራም ተግባራዊ ለማድረግ በ17 ሺህ ሔክታር መሬት 400 ጉድጓድ መቆፈር ያስፈልጋል የሚሉት አቶ ያረጋል ሀይሉ የሰሜን ወሎ የቆቦ ጊራና ሸለቆ ልማት ፅ/ቤት ሀላፊ፤ ይህንንም በክልሉ መንግስት አቅም ለመሸፈን እንደማይቻል ተናግረዋል። (ሱራፌል ዘላለም)

ህዳር 17/2008 ዓ.ም

አትሌት ገንዘቤ ዲባባ የ2015 የአመቱ ምርጥ አትሌት ተብሎ ለመመረጥ ከ10 ቀን በፊት የመጨረሻዎቹ 3 ዝርዝር ዉስጥ ገብታ ነበር፡፡ ከፓላንዳዊቷ አሎሎ ወርዋሪ አኒታ ሎድዛይክ እና ኔዘርላንዳዊቷ የ200 ሜትር ሯጭ ዳፈን ሺፐርሰ ጋር የተወዳደረችው ገንዘቤ ሌሊቱን በወጣ መረጃ መሰረት አሸናፊ መሆኗ ከአለም አቀፉ አትሌቲክስ ፌዴሬሽን ተሰምቷል፡፡

ከዚህ ቀደም ኢትዮጵያ ይህን ሽልማት በወንዶች በሀይሌ ገ/ስላሴ አንድ ጊዜ፣ በቀነኒሳ በቀለ ሁለት ጊዜ፣ በሴቶች ደግሞ በመሰረት ደፋር አግኝታለች፡፡

ምንጭ፡- iaaf.org

 

ህዳር 17/2008 ዓ.ም

በክልሉ በመኸር እና በልግ በተከሰተው ድርቅ 617 ሺህ ህዝብ ተረጂ ሆኗል፡፡ 1.8 ሚሊየን ሄክታር በዘር ተሸፍኗል። ነገር ግን 200 ሺህ ሄክታሩ በዘር ያልተሸፈነ ነው። ከዚህ ውስጥ 96 ሺህ ሄክታር  የሚሆነው በከፍተኛ ሁኔታ ተጐድቷል፡፡ ድርቁን ለመቋቋም የፌደራል መንግስት ለክልሉ 100 ሚሊዮን ብር ድጋፍ ማድረጉን የክልሉ ርዕሰ መሰተዳድር አቶ ደሴ ዳልኬ ተናግረዋል፡፡

የህፃናትን እና ሴቶችን ጤና በመጠበቅ ረገድም የተለያዩ ሰራዎች እየተከናወኑ ነው። የተረጂዋች ቁጥርም ከጥር በኃላ 750 ሺህ ይደርሳል ተብሎ እንደሚጠበቅ ርዕሰ መስተዳድሩ ተናግረዋል። መንግሰት በክልሉ ድርቅ እንደሚከሰት አስቀድሞ በማወቁ ዝግጅት አድርጓል ብለዋል። በውሃና  መስኖ፣ በእንሰሳት መኖ በማቅረብ ረገድም የተለያዩ ሰራዎች በመከናወን ላይ ናቸው ። በድርቁ የሰው ህይወት ማለፍ አለማለፉን የተጠየቁት ርዕሰ መሰተዳደሩ ይህን በተመለከተ የቀረበ ሪፓርት የለም ብለዋል። (ሱራፌል ዘላለም)

ህዳር 16/2008 ዓ.ም

በደቡብ ብሔር ብሔረሰቦች እና ህዝቦች ክልላዊ መንግስት በጉራጌ ዞን በማረቆ ወረዳ በኡዱሳ ዋሼ ዌራ ቀበሌ ተገኝተን ያነጋገርናቸው የአካባቢው ነዋሪዎች በዝናብ እጥረት ምክንያት ማሳቸው ሙሉ በሙሉ ከጥቅም ውጪ እንደሆነባቸው ተናግረዋል። በወረዳው 35% የሚሸፍነውን የበርበሬ ምርት በድርቅ ምክንያት ማግኘት አልቻሉም፤ በዚህም ምክንያት የመንግስትን እርዳታ ለመጠበቅ ተገደዋል። በዞኑ 6500 ከብቶች በድርቁ ምክንያት ሞተዋል፡፡ የአካባቢው ነዋሪዎች ላለፉት ሁለት አመታት በድርቅ ተጎጂ መሆናቸውንም ገልፀዋል::

አቶ መሀመድ ኑር የማረቆ ወረዳ አስተዳዳሪ ሲሆኑ መንግስት ለተጉጂዎች ስንዴ፣ አተር፣ ዘይት እና ውሃ እያቀረበ ነው ብለዋል፡፡ በጉራጌ ዞን በምርት ዘመኑ የታቀደው 14 ሚሊዮን ኩንታል ሲሆን በተከሰተው ድርቅ ምክንያት በከፍተኛ ሁኔታ አሸቆልቁሏል፡፡ ከ1 ሚለየን የዞኑ ነዎሪ ውሰጥም 41 ሺህ የሚሆነው ተረጂ ሆኗል፡፡ በዚህም ምክንያት 5ሺህ ኩንታል እህል ለተጎጂዎች ተከፋፍሏል፤ 12 ሺህ ሌትር ዘይት ተሰራጭቷል። በጉራጌ ዞን 13 ወረዳዎች 412 ቀበሌዎች ይገኛሉ። (ሱራፌል ዘላለም)

ህዳር 16/2008 ዓ.ም

ናይል ማራቶን የሚል ስያሜ የተሰጠው ይህ የመሮጫ ስፍራ በሀገር አቀፍ ደረጃ በየዓመቱ ለሚደረግ የማራቶን ሩጫ ውድድር እንዲያገለግል ታስቦ የሚሰራ ሲሆን የዲዛይን ጥናቱን ከባህርዳር ከተማ አስተዳደር ጋር በመሆን አባ የአርክቴክት ስራዎች ድርጅት ማጠናቀቁን የድርጅቱ ስራ አስኪያጅ አቶ አዲስ አዱኛ ተናግረዋል፡፡ ናይል ማራቶን ከሚሰጠው አገልግሎት በተጨማሪ ወደ ባህርዳር ከተማ የሚመጡ ቱሪስቶችን ቁጥር በከፍተኛ ደረጃ ይጨምራል ተብሎ ይጠበቃል፡፡

ሀገራችን ኢትዮጵያ ማራቶንን ጨምሮ በረጅም ርቀት የሩጫ ውድድር የሚታወቁ አትሌቶች ባለቤት ብትሆንም ለማራቶን የመሮጫ ስፍራ ባለመኖሩ ማግኘት የሚገባትን ጥቅም እያገኘች እንዳልሆነ የሚያብራሩት ስራ አስኪያጁ አቶ አዲስ ስራው በሚከናወንበት የወንዙ ዳርቻ እና በአጠቃላይ በፓርኩ ውስጥ የሚገኙ ብርቅዬ እንስሳትን ለመጎብኘት እድል የሚሰጥ መሆኑን ተናግረዋል፡፡

ሩጫው የሚጀመርበት የጣና ሃይቅ ዳርቻና የሚጠናቀቅበት የጭስ አባይ ፏፏቴ ልዩ መስህብ ያላቸው ስፍራዎች በመሆናቸው ተሳታፊዎች ውድድሩን የበለጠ እንዲወዱት የሚያደርግ ቦታ መሆኑም ተጠቁሟል፡፡ የባህርዳር ከተማ ከንቲባም በበኩላቸው ይህ ፕሮጀክት ለከተማዋ የበለጠ ድምቀት የሚሰጥ እና በቱሪዝም ዘርፍ ገቢ ለማግኘት የሚረዳ በመሆኑ የከተማ አስተዳደሩ ከፍተኛ ትኩረት ሰጥቶ ለማከናወን በዝግጅት ላይ መሆኑን ተናግረዋል፡፡ እንዲሁም ልዩ ልዩ ዘመናዊ ድልድዮችም የግንባታው አካል እንደሚሆኑ ተጠቁሟል፡፡ 

ህዳር 15/2008 ዓ.ም

ሀገራችን ከዓለም የቱሪዝም መዳረሻነት ቀዳሚ በሆነችበት በዚህ ዓመት የቱሪዝሙን እንቅፋቶች በማስንሳት ኢንዱስትሪውን ማሳደግ አለብን ተብሏል፡፡

በዋና ዋና የቱሪዝም መዳረሻዎች የተሟላ መሰረተ ልማት አለመኖር፣ የመግባቢያ ቋንቋዎች ክፍተት፣ የተሟላ መረጃ ለጎብኚዎች አለመስጠት እና ሌሎችም በዘርፉ እድገት ላይ የተደቀኑ ችግሮች ናቸው ተብሏል፡፡

በኢ.ፌ.ዴ.ሪ ባህልና ቱሪዝም ሚኒስቴር የሴቶችና ህፃናት ጉዳይ ዳይሬክቶሬት ዳይሬክተር ወ/ሮ ወይንሸት ሃ/ማርያም በዋና ዋና የቱሪዝም መዳረሻዎች ላይ ህፃናት ለወሲብ ንግድ እንዳይጋለጡ መከላከል ዋነኛ ተቀዳሚ ስራችን ነው ብለዋል፡፡ (እንየው ቢሆነኝ)

ህዳር 15/2008 ዓ.ም

የመልካም አስተዳደር ችግሮችን ለመከላከል በሀገር አቀፍ ደረጃ እየተደረገ ያለውን እንቅስቃሴ ተከትሎ አሰራሮችን በመፈተሽ የህዝቡን የልማትና የዴሞክራሲ ጥያቄዎችን ደረጃ በደረጃ ለመፍታት በሚያስችል መልኩ መራመድ ባልቻለው የመረጃ ነፃነት ችግር ላይ ውይይት እየተደረገ ነው፡፡

ውይይቱ በሀገር ደረጃ የተሻለ አፈፃፀም እንዲመጣ ህብረተሰቡ መረጃ የማግኘት መብቱ እንዲከበርለት የመንግሥት አሰራር ግልፅነትና ተጠያቂነት እንዲኖር በማድረግ በኩል ድርሻ ይኖረዋል ተብሏል፡፡ ውይይቱን ያዘጋጀው የኢፌዴሪ እንባ ጠባቂ ተቋም ከኢትዮጵያ ብሮድካስቲንግ ኮርፖሬሽን ጋር በመተባበር ሲሆን የፌዴራልና የክልል ከፍተኛ የመንግሥት ሃላፊዎች የውይይቱ ተሳታፊ ናቸው፡፡

ህዳር 14/2008 ዓ.ም

በኦሮምያ ክልል አርሲ ዞን በድሬ ቂልጦ ቀበሌ በድርቅ ምክንያት ነዋረዎች ችግር ውሰጥ ናቸው ተብሏል። ሁለት ግዜ የምግብ ድጋፍ ቢደረግላቸውም በቂ አለመሆኑን ተናግረዋል። እንሰሳቶቻቸው በመኖ እና በውሃ እጦት ችግር ውስጥ ናቸው። የወረዳው የአደጋ መከላከል ፅ/ቤት ሀላፊ አቶ ጣሂር ፊኒኖ የምግብ ድጋፍ እየደረጉ መሆናቸውን በመግለፅ የውሃ እና የእንሰሳት መኖ ጥያቄ ቢያቀርቡም የክልሉ መሰተዳደር ምላሽ እንዳልሰጣቸው ተናግረዋል። ከ84 ሺህ 396 ነዋሪዎች ውስጥ 51 ሺህ 936 የሚሆኑት እርዳታ ያስፈልጋቸዋል፡፡ ከሰኔ እሰከ ጥር 2008 ድረስም 5 ሺህ 297 አዲስ ተጉጂዋች እንደሚጠበቁ ተገምቷል፡፡ (ሱራፌል ዘላለም)

ህዳር 13/2008 ዓ.ም

ግለሰቦቹ በቁጥጥር ስር የዋሉት የተጎጂዎችን ቁጥር በመጨመር የሚደረገውን እርዳታ ለግል ጥቅማቸው ሲያውሉ ከህብረተሰቡ በተደረገ ጥቆማ መሰረት መረጃዎች በመገኘታቸው መሆኑ ታውቋል፡፡ (ሱራፌል ዘላለም)

ህዳር 13/2008 ዓ.ም

በዞኑ ከሚገኙ 19 ወረዳዎች 8ቱ በድርቅ ተጎድተዋል፡፡ በሚዳ ቶላ እና ኩሩፋ ጨሌ ወረዳዎች ተዘዋውረን ያነጋገርናቸው ድርቁ ያስከተለባቸው ጉዳት ከፍተኛ መሆኑን ተናግረዋል፡፡ በዚህም ማሳቸው በመጎዳቱ ምክንያት ምርቶቻቸው ለከብቶቻቸው ቀለብ ሆነዋል፡፡

ተጎጂዎቹ በመንግስት እርዳታ እየተደረገላቸው ይገኛል፡፡ የዞኑ ከፍተኛ ገቢ የጫት ምርት ሲሆን ይህም ከገቢው 70 በመቶ ያህል ድርሻ አለው፡፡

በዞኑ ይሰበሰባል ተብሎ የታሰበው 13 ሚሊዮን ኩንታል እህል ሲሆን በደርቁ ምክንያት ወደ 3 ሚሊየን እንደሚያዥቆለቁል የምዕራብ ሀረርጌ ዞን ዋና አስተዳዳሪ አቶ ደምሴ ያቼሴ ተናግረዋል፡፡

በአካባቢው ከፍተኛ የውሃ እጥረት በማጋጠሙ 17 የቦቴ ተሸከርካሪዎች በየቀኑ ለህብረተሰቡ ውሃ እያቀረቡ ይገኛሉ፡፡ ሆኖም ግን ከህዝቡ ቁጥር ጋር ሲነፃፀር አነስተኛ በመሆኑ ተጨማሪ ቦቴዎች እንደሚያስፈልጉ የዞኑ አስተዳዳሪ አስታውቀዋል፡፡

የጤና ሁኔታን በተመለከተ ክትትል እየተደረገና ለህጻናትም አልሚ ምግቦች እየተሰራጩ ነው ተብሏል፡፡

በድርቁ እስካሁን በዞኑ በሰው ላይ የደረሰ የሞት አደጋ ባይኖርም ድርቁ ከመከሰቱ ጋር ተያይዞ እንስሳት መሞታቸውን ለማወቅ ተችሏል፡፡ (ሱራፌል ዘላለም)

ህዳር 11/2008 ዓ.ም

ከዛሬ ህዳር 11 እስከ ህዳር 25 ቀን 2008 ዓ.ም የሴካፋ ውድድር፣ እንዲሁም ነገ ህዳር 12 ታላቁ ሩጫ በኢትዮጵያ በአዲስ አበባ ከተማ የሚካሄዱ መሆናቸውን ተከትሎ የአዲስ አበባ ፖሊስ ኮሚሽን የሚያካሂደውን የፀጥታ ጥበቃ ስራ ለማገዝ ለአጭርና ለረጅም ጊዜ ዝግ የሚሆኑና ተሸከርካሪን ለማቆም የተከለከሉ መንገዶችን ገልጧል፡፡

በዚህም መሰረት 38ኛው የሴካፋ ውድድር በሚካሄድበት ብሄራዊ ስታዲየም አካባቢ ዛሬና ነገ የመክፈቻ ውድድሮች ሲካሄዱና ከህዳር 19 ጀምሮ እስከ ህዳር 25 ድረስ ባሉት ቀናት፡-

  • ከሳንጆሴፍ መብራት እስከ ለገሃር መብራት
  • ከአረንጓዴ ጎርፍ ሆቴል እስከ ክቡ ባንክ
  • ከክቡ ባንክ እስከ ቀይ መስቀል እና
  • ከሃራምቤ እስከ ጊዮን ሆቴል ድረስ ከጠዋቱ 12፡00 ሰዓት ጀምሮ ተሸከርካሪን አቁሞ መሄድ የተከለከለ መሆኑ ተገልጧል፡፡

እንዲሁም 15ኛው ታላቁ ሩጫ በሚካሄድበት በነገው ዕለት መድረሻቸውን መስቀል አደባባይ አድርገው ከዑራኤል ቤተ-ክርስቲያን፣ ከኦሎምፒያ፣ ከብሔራዊ ቤተ-መንግስት እና ከሃራምቤ ሆቴል የሚመጡ መንገዶች፤ እንዲሁም፡-

  • ከብሔራዊ ትያትር ወደ ለገሃር
  • ከዋቢ ሸበሌ ሆቴል ወደ ሜክሲኮ
  • ከብሄራዊ አረቄ ፋብሪካ ወደ ሜክሲኮ
  • ከልደታ ቤተ-ክርስቲያን ወደ ሜክሲኮ
  • ከልደታ ፀበል በአዲሱ መንገድ ወደ አፍሪካ ህብረት አደባባይ
  • ከቡልጋሪያ ወደ አፍሪካ ህብረት አደባባይ
  • ከካርል አደባባይ ወደ ሳር ቤት
  • ከጎፋ ገብርኤል ወደ ጎፋ መስቀለኛ
  • ከቂርቆስ ወደ ቴሌ እና ጎፋ መስቀለኛ
  • ከወሎ ሰፈር ወደ ጎተራ
  • ከሳሪስ ወደ ጎተራ እና
  • ከመስቀል ፍላወር ወደ አጎና ሲኒማ በሚወስዱ መንገዶች ከጠዋቱ 12፡00 ሰዓት ጀምሮ ተሸከርካሪን ለረጅምም ሆነ ለአጭር ጊዜ አቁሞ መንቀሳቀስ የተከለከለና ለሩጫው መነሻና መድረሻ ከሆነው ከመስቀል አደባባይ ውጪ የተጠቀሱት መንገዶች በትራፊክ ፖሊሶች ትዕዛዝ ሲዘጉ አማራጭ መንገዶችን በመጠቀም እንዲንቀሳቀሱ ኮሚሽኑ አሳስቧል፡፡

በዚህ አጋጣሚም ለማንኛውም ጥቆማና ፖሊሳዊ አገልግሎት በአዲስ አበባ ፖሊስ ኮሚሽን የመረጃ ስልክ ቁጥሮች በ 991 ነፃ ጥሪ፣ በቀጥታ መስመር 0111 11 01 11 እና 0111 26 43 59 መጠቀም እንደሚቻል ተገልጧል፡፡

ህዳር 11/2008 ዓ.ም

መንግስት ለተጎጂዎች መጋዘኖችን በማቋቋም እርዳታ እየሰጠ ቢሆንም የስርጭት እንዲሁም የውሃ ከፍተኛ እጥረት መኖሩን የአካባቢው ነዋሪ አቶ መሐመድ ተናግረዋል፡፡

የውሃ እጥረቱን ለመፍታት ባለሃብቶችና ግለሰቦች ውሃ በማምጣት እያሰራጩ ይገኛሉ፤ ለዚህም እስከ አንድ ብር ድረስ ነዋሪዎቹ እንደሚከፍሉ ተነግሯል፡፡

በዝናብ እጥረት ምክንያት የተከሰተው ድርቅ በማሳዎችና በከብቶች ላይ ጉዳት አስከትሏል፡፡

በሀረርጌ የተጀመረውን ጉብኝት እንዲሁም በደቡብ፣ በትግራይ እና በአማራ ክልሎች ከድርቁ ጋር ተያይዞ መረጃዎችን እየተከታተልን የምናቀርብላችሁ መሆኑን እንገልጻለን፡፡ (ሱራፌል ዘላለም)

ህዳር 08/2008 ዓ.ም

የኢትዮጵያ አየር መንገድ ከአብራሪ እስከ አስተናጋጅ በሴቶች ብቻ የሚመራ የመጀመሪያ በረራውን በዛሬው ዕለት ሊያደርግ ነው፡፡ በረራው ከአዲስ አበባ ባንኮክ የሚደረግ ሲሆን የአውሮፕላኑ አብራሪ /ፓይለት/፣ የበረራ አስተናጋጅ እና መላው የአውሮፕላን ሰራተኞች ሙሉ በሙሉ ሴቶች እንደሆኑ ተገልጿል። የመጀመሪያ የሆነውና ልዩ የተባለው ይህ በረራ በነገው ዕለት ከአዲስ አበባ በመነሳት ታይላንድ ባንኮክ ደርሶ መልስን ያካተተ ነው።

ህዳር 06/2008 ዓ.ም

በዛሬው እለት ከቀኑ 9፡20 ላይ በጉለሌ ክ/ከተማ ወረዳ 1 ልዩ ስፍራው ሽሮ ሜዳ አካባቢ በመዞር ላይ የነበረ 31 ቁጥር አንበሳ የከተማ አውቶብስ የመግጨት አደጋ ካደረሰባቸው ሰዎች መካከል ሶስቱ ለእርዳታ ሆስፒታል ከደረሱ በኋላ ህይወታቸው ሲያልፍ ሌላ አንድ ግለሰብ በህክምና ላይ ይገኛል፡፡ በስፍራው የነበሩ ሌሎች ሰዎችም ላይ ቀላል ጉዳት መድረሱ ታውቋል፡፡ የአደጋው መንስኤ በመጣራት ላይ ቢሆንም አሽከርካሪው የፍሬን ችግር እንዳጋጠመው ተናግሯል ሲሉ የአዲስ አበባ ፖሊስ ኮሚሽን የህዝብ ግንኙነት ባለሞያ የሆኑት ምክትል ኢንስፔክተር አሰፋ መዝገቡ በተለይ ለዛሚ 90.7 ኤፍ ኤም ገልፀዋል፡፡

ህዳር 06/2008 ዓ.ም

ፋብሪካው በጥንታዊቷ ደጋማዋ ከተማ ደብረብርሃን ላይ መቋቋሙ ለከተማይቱ እድገት በተለይም ደግሞ በማኒፋክቸሪንግ ዘርፍ ጎልታ እንድትወጣ ለማድረግ የራሱን አስተዋፅኦ ያበረክታል፡፡ ሌሎችንም ባለሃብቶች ወደ ከተማይቱ ለመጋበዝ እንደምሳሌም ጭምር መሆን ይችላል ሲሉ ጠቅላይ ሚኒስትር ሃ/ማርያም ደሳለኝ ፋብሪካውን መርቀው በከፈቱበት ወቅት ተናግረዋል፡፡

ይህ የዳሸን ቢራ ደብረብርሃን ፋብሪካ በሀገራችን ብሎም በአህጉራችን በአይነቱ የመጀመሪያ የሆነ የምርት ቴክኖሎጂ የተተከለበት ሲሆን ይህ ቴክኖሎጂ የዘመኑ ምርጥና ቁጥር አንድ የቢራ ጠመቃ ቴክኖሎጂ ነውም ተብሏል፡፡ በአጠቃላይ የግንባታው ወጪ 3 ቢሊዮን ብር ሲሆን በ12 ሄክታር መሬት ላይም አርፏል፡፡ ሁለት ሚሊዩን ሄክቶ ሊትር ቢራም ይጠመቅበታል፤  በሰዓት 180 ሺህ ጠርሙስ ቢራ የማምረት አቅምም አለው፡፡ ከ500 በላይ ለሆኑ ዜጎች ቋሚና ጊዜያዊ የስራ እድል መፍጠሩም ተነግሯል፡፡

ዳሽን ቢራ በዓመት 4.2 ሚሊዬን ሄክቶ ሊትር ቢራ ያመርታል፡፡ (ያልፋል አሻግር)

ህዳር 02/2008 ዓ.ም

የአዲስ አበባ ከተማ አስተዳደር ንግድ ቢሮ የንግድ ኢንስፔክሽንና ሬጉላቶሪ ዋና የስራ ሂደት የህጋዊ ስነ-ልክ ከፍተኛ ኦፊሰር ለዛሚ እንደተናገሩት ጥቅምት 18 ቀን 2008 ዓ.ም ከአዲስ አበባ እና አካባቢዋ ዳቦ አምራች ማህበር ጋር በመቀናጀት በተመረጡ ሶስት ክ/ከተሞች ንፋስ ስልክ ላፍቶ፣ ኮልፌ ቀራኒዮ እና አዲስ ከተማ ክፍለ ከተማ ላይ በተደረገ የዳቦ ቤቶች የዳቦ ግራም ቁጥጥር ስራ በርከት ያሉ ዳቦ ቤቶች የግራም ማጉደል ተግባርን ሲፈፅሙ ተገኝተዋል፡፡

የስራ ሂደቱ የህጋዊ ስነ-ልክ ከፍተኛ ኦፊሰር የሆኑት አቶ ደረጄ በቀለ እንዳሉት በ33 ዳቦ ቤቶች ላይ በተደረገው የቁጥጥር ስራ ከባለ 100 ግራሙ ዳቦ በአማካኝ 13 ግራም፣ ከባለ 200 ግራም በአማካኝ 37 ግራም እና ከባለ 300 ግራም በአማካኝ 67 ግራም 11 ንግድ ድርጅቶች አጉድለው የተገኙ ሲሆን ከማስጠንቀቂያ ጀምሮም እስከ ማሸግ የደረሰ እርምጃ ተወስዶባቸዋል ብለዋል፡፡

በእርምጃው 4 ዳቦ ቤቶች ላይ የቃል ማስጠንቀቂያ፣ ሌሎች 4 ዳቦ ቤቶች የፁሁፍ ማስጠንቀቂያና 3 ዳቦ ቤቶች ላይ የማሸግ እርምጃ ተወስዷል፡፡ (ያልፋል አሻግር)

ጥቅምት 22/2008 ዓ.ም

የአፍሪካ ህብረት የወጣቶች ቀን የአፍሪካ ህብረት የሰው ሃይልና ሳይንስና ቴክኖሎጂ ኮሚሽን ከፓን አፍሪካን የወጣቶች ህብረት ጋር በመተባበር የተዘጋጀ ነው፡፡

የወጣቶች ቀን አከባበር በአፍሪካ ወጣቶች ላይ የግንዛቤ ለውጥ ማምጣቱ ላይ እንዲሁም ወጣቶች በኢኮኖሚ ራሳቸውን የቻሉ እና ለሀገር እድገት የበኩላቸውን የሚወጡ ወጣቶችን ማፍራት ላይ ትረኩቱን አድርጓል፡፡ ከዚህም በተጨማሪ ወጣቶች የአፍሪካዊያንን ባህል የሚተዋወቁበት እና የየራሳቸውን ባህል ለሌላ የሚያስተዋውቁበትም ሆኗል፡፡

ወጣቶች በዋናነት በ2063 የአፍሪካ ህብረት አጀንዳ የወጣት ሴቶች መብት መከበር ላይ ትኩረታቸውን አድርገው ተወያይተዋል፡፡ በዚህ 200 ወጣቶች በተሳተፉበት የአፍሪካ ወጣቶች በዓል አከባበር የ2063  የአፍሪካ ህብረት አጀንዳዎችን ሙሉ በሙሉ ወጣቶች ላይ ያሰርፃል፣ በወጣቶች ላይ የሚሰሩ የተለያዩ ድርጅቶችን ያገናኛል፣ በአህጉሪቱ የሚገኙ ወጣቶችን አቅም ለማዳበር ልምድ ይካፈላሉ፣ በሰብዓዊ መብት አጠባበቅ ላይ እንዲሁም የሴቶችን የፖለቲካ ተሳትፎም ያሳድጋል ተብሎ ይጠበቃል፡፡ ትላንትና የተጀመረው የአፍሪካ ወጣቶች በዓል አከባበር ዛሬም ቀጥሎ ውሏል፡፡ (እንየው ቢሆነኝ)