አገር አቀፍ ዜናዎች

መስከረም 30/2007 ዓ.ም

ሀገራችን ኢትዮጵያ የተለያየ ባህል፣ ወግና ታሪክ ያላቸው በርካታ ብሔረሰቦች በሺዎች የሚቆጠሩ ዓመታትን በአንድነት የኖሩባትና እየኖሩባት የምትገኝ ሀገር ናት፡፡ ታዲያ እነዚህ ብሄረሰቦች ለዘመናት የየራሳቸው ባህላዊ አልባሳት፣ የመመገቢያ ቁሳቁስ፣ የሙዚቃ መሳሪያ፣ ጌጣጌጥና መሰል ባህላዊ ቁሶች ነበሯቸው፡፡ የዘርፉ ሙያተኞች እነዚህ የባህል መገለጫ የሆኑ ቁሳቁሶችን ‹‹ኢትኖግራፊክ ቅርሶች›› ብለው ይጠሯቸዋል፡፡

አሁን አሁን ዘመናዊነት እየፈጠረው ባለው ለውጥ ምክንያት እነዚህን ቅርሶች ማግኘት አዳጋች እየሆነ መምጣቱን በቅርስ ጥናትና ጥበቃ ባለስልጣን የኢትኖግራፊክ ቅርሶች ከፍተኛ ባለሞያ ወ/ሮ እንዳሻሽ አባተ ይገልፃሉ፡፡

እንደ ባለሞያዋ ገለፃ የቅርስ ጥናትና ጥበቃ ባለስልጣን በ5 ዓመት ውስጥ የሀገሪቱን ኢትኖግራፊክ ቅርሶች ለመሰብሰብ አቅዶ የነበረ ቢሆንም ባለፉት 4 ዓመት ውስጥ ያከናወነው 40 በመቶ ብቻ ነው፡፡ ለዚህ እንደዋነኛ ምክንያት የተጠቀሰው ደግሞ በሀገሪቱ ያለው የኢትኖግራፊክ ቅርስ ከተገመተው በላይ ሰፊ ሆኖ በመገኘቱና ባለስልጣኑም በቂ የሰው ሃይልና አቅም ስላልነበረው መሆኑን ወ/ሮ እንዳሻሽ አብራርተዋል፡፡ በቀሪው አንድ ዓመትም ባለስልጣኑ ቅርሶቹን በስፋት መሰብሰብ እንዲችል ከክልሎች ጋር ተባብሮ ለመስራት የሚያስችለውን ስልጠና በመስጠት ላይ ይገኛል፡፡

ቅርሶቹ ከመጥፋታቸው በፊት ከያሉበት አሰባስቦ በማዕከል በማስቀመጥ ለታሪክና ለባህል ጥናት፣ ለጎብኝዎችና ለቀጣዩ ትውልድ ማስተላለፍ አስፈላጊ መሆኑም ተገልጧል፡፡ (እንደገና ደሳለኝ)

መስከረም 30/2007 ዓ.ም

በ2007 ዓ.ም የሚካሄደውን አጠቃላይ ምርጫ የኢትዮጵያ ብሮድካስት ባለስልጣን ከብሄራዊ ምርጫ ቦርድ ጋር በመሆን ለተወዳዳሪ ፓርቲዎች ፕሮግራሞቻቸውንና ዓላማቸውን ለህብረተሰቡ የሚያስተዋውቁበት ነፃ የአየር ጊዜና የጋዜጣ አምድ እንደሚደለደል ገልጧል፡፡ በተጨማሪም የአፈፃፀም መመሪያዎችን ተግባራዊ እንደሚያደረግ ለዛሚ 90.7 ኤፍ ኤም የገለፁት የባለስልጣን መ/ቤቱ የህዝብ ግንኙነት ማስተባበሪያ ሃላፊ አቶ ወርቅነህ ጣፋ ናቸው፡፡

ምርጫው ሰላማዊና ፍትሃዊ እንዲሆን የበኩላቸውን ሚና እንደሚጫወቱ ተናግረዋል፡፡ በመገናኛ ብዙሃን የሚዘገቡ የምርጫ አዘጋገቦችን እንደሚቆጣጠሩም ገልፀዋል፡፡ (ታሪክ አዱኛ)

መስከረም 29/2007 ዓ.ም

ይህ የተገለፀው 140ኛ የዓለም የፖስታ ቀን በዛሬው ዕለት በተከበረበት ወቅት ነው፡፡ በዓሉም በ150 የህብረቱ አባል ሀገራት እየተከበረ ይገኛል፡፡

የኢትዮጵያ ፖስታ አገልግሎት ዋና ስራ አስኪያጅ አቶ ግደይ ገ/ዮሃንስ በተወካያቸው በአቶ በዛብህ አስፋው በኩል ባስተላለፉት መልዕክት፤ የኢትዮጵያ ፖስታ አገልግሎት ድርጅት በእድገትና ትራንስፎርሜሽን እቅድ ዓመታት ‹‹ፖስታ ቤት ቀይ መብራት የበራበት›› ከተባለበት አስጊ ሁኔታ በአጭር ጊዜ ውስጥ በመውጣት በሰራተኛው ብርቱ ትጋትና በባለድርሻ አካላት የነቃ ተሳትፎ አስተማማኝ ደረጃ ላይ መድረሱን ተናግረዋል፡፡

ድርጅቱ በአሁኑ ወቅትም 746 ቋሚ ፖስታ ቤቶች እና ወኪል መደበኛ ፖስታ ቤቶችን ጭምሮ በአጠቃላይ በ1,240 አገልግሎት መስጫ ጣቢያዎች ስራውን እያከናወነ ይገኛል፡፡

(ሱራፌል ዘላለም)

መስከረም 28/2007 ዓ.ም

የኤርፖርቱ አገልግሎት መስጠት መጀመር በደሴና በአካባቢው ያለውን የቱሪዝምና የኢንቨስትመንት እቅንቅስቃሴ ያፋጥነዋልም ተብሏል፡፡

የኤርፖርቱ ጊዜያዊ አስተባባሪ የሆኑት አቶ ጌታቸው ሙላው እንደገለፁት ከሆነ ኤርፖርቱ በያዝነው ዓመት መጀሪያ አገልግሎት መስጠት የጀመረ ሲሆን እስካሁንም በርካታ የሀገር ውስጥና የውጪ ቱሪስቶች ተጠቃሚ መሆን ችለዋል፡፡

በአንድ ጊዜ አራት የሚደርሱ ትንንሽ ላይት ኤርክራፍት ማቆም የሚያስችል ሬን ዌይ እንዳለው የገለፁት አቶ ጌታቸው መንግሥትና የኤርፖርቶች ድርጅት በጋራ በመሆን ከ280 ሚሊዮን ብር በላይ ወጪ በማድረግ ያስገነቡት እንደሆነ ተናግረዋል፡፡

በቀጣይ የማስፋፊያና ዘማናዊ የሆነ ተርሚናል በሁለት ዓመታት ውስጥ የመገንባት እቅድ እንደተያዘም አቶ ጌታቸው ተናግረዋል፡፡ አክለውም ይህ የማስፋፋት ስራ ሲጠናቀቅ በአካባቢው ባለው የወንዝ መውረጃ ሸለቆ ምክንያት ይፈጠር የነበረውን የማኮብኮቢያና የማረፍ ስጋት የሚቀንስ፤ ወንዙን በሌላ አቅጣጫ እንዲፈስ የማድረግ ስራ ይሰራል ብለዋል፡፡ (ቴድሮስ ብርሀኑ)

መስከረም 28/2007 ዓ.ም

የኢትዮጵያ ምርት ገበያ የቡና ጥራት ቤተ-ሙከራዎቹን በዘመናዊ ቴክኖሎጂና አሰራር ለማደራጀት የሚያስችለውን የመሳሪያዎች ድጋፍ ከአሜሪካ ዓለም አቀፍ የልማት ድርጅት (የ.ኤስ.ኤ.አይ.ዲ) በእርዳታ አግኝቷል፡፡

ምርት ገበያው ከየ.ኤስ.ኤ.አይ.ዲ በእርዳታ ያገኛቸው የቡና ቤተ-ሙከራ እቃዎች በሃዋሳ፣ ጅማና ዲላ ቅርንጫፎች የሚገኙ ቤተ-ሙከራዎቹ በላቁ መሳሪያዎችና አሰራር ተደራጅተው የቡና ጥራትን ለማረጋገጥ የሚያስችሉ ናቸው፡፡

በእርዳታ የተሰጡትና 3.5 ሚሊዮን ብር ወይም 174ሺ 738 የአሜሪካ ዶላር ግምት ያላቸው መሳሪያዎች በምርት ገበያው ቅርንጫፍ መስሪያ ቤቶች የሚገኙ ቤተ-ሙከራዎች በዘመናዊ መሳሪያዎች ተደራጅተው የቡና ጥራትን በትክክል ለመለካትና ዓለም አቀፍ ደረጃውን በጠበቀለ መልኩ ደረጃ ለመስጠት ከፍተኛ ጠቀሜታ ያላቸው ናቸው፡፡

መሳሪያዎቹ የቡና ቀመሳ ወጥነትን፣ ትክክለኛ የቡና ጥራት ልኬትንና ደረጃ አሰጣጥን ከማረጋገጣቸው በተጨማሪ በቡና መቅመሻ ክፍል ጥራት፣ መብራቶች፣ አየር ማቀዝቀዣና ለቡና ቀመሳ ምቹ የስራ አካባቢ መፍጠሪያ የሚሆኑ ቡና መቁያዎች፣ መፍጫዎች፣ መለኪያዎች፣ የተቆላ ቡና ቀለማትን መለያ፣ የውሃ ማመጣጠኛ፣ ሲኒዎች ማንኪያዎችና በሌሎች ቁሳቁሶች ዓለማቀፍ እውቅናን ለማግኘት የሚያስችለውን የአሜሪካው የስፔሻሊቲ ቡና ማህበር መስፈርቶችንም ለማሟላት ያስችላል፡፡

የሀዋሳ፣ጅማና ዲላ የቡና ቤተ-ሙከራዎች በመሳሪያዎቹ ተደራጅተው ዓለም አቀፍ መስፈርቶቹን ስለሚያሟሉም ከአሜሪካው የስፔሻሊስት ቡና ማህበር በቅርቡ የብቃት ማረጋገጫ ምስክር ወረቀት ይሰጣቸዋል፡፡

አምና ከአሜሪካው የስፔሻሊስት ቡና ማህበር የብቃት ማረጋገጫ ምስክር ወረቀት የተቸረው የምርት ገበያ ማዕከላዊ የቡና ጥራት ማረጋገጫ ቤተ-ሙከራ በአፍሪካ የመጀመሪያ የቡና ጥራት ማረጋገጫ ማዕከል ለመሆን ችሏል፡፡

የቡና ቤተ-ሙከራ ቁሳቁስ እርዳታው የምርት ገበያው የቡና ጥራት አለካክና ደረጃ አሰጣጥ በዓለም አቀፍ ደረጃ ተቀባይነት ባለው መልኩ እንዲከናወን እንደሚያደርግ የምርት ገበያው ጊዜያዊ ዋና ስራ አስፈፃሚ አቶ ሽመልስ ሃብተ-ወልድ አስረድተዋል፡፡ 

መስከረም 27/2007 ዓ.ም

ለግጭቱ መንስኤ ናቸው ተብለው የተጠረጠሩ ከ12 በላይ ተጠርጣሪዎች በቁጥጥር ስር ውለው የማጣራት ስራው እየተሰራ ነው፡፡

ከአካባቢው የተሰወሩ ተጠርጣሪዎችን ግን የመከታተል ስራው መቀጠሉን የፌዴራል ጉዳዮች የህዝብ ግንኙነት ሃላፊ አቶ አበባ ወርቁ ለዛሚ 90.7 ኤፍ ኤም ገልፀዋል፡፡ በወቅቱ ከመኖሪያቸው የተፈናቀሉ ነዋሪዎች በቦታቸው መመለሳቸውን ተናግረዋል፡፡ የሃይማኖት አባቶች ከፌዴራልና ከመከላከያ ሰራዊትና ከክልሉ መንግሥት ጋር በጋራ ነዋሪዎችን የማወያየት ስራ እየሰሩ መሆናቸውን ገልፀው፤ በሰላማዊ መንገድ መህበራዊ ጉዳዮችም እየተከናወኑ መሆኑን ተጠቁሟል፡፡ (ታሪክ አዱኛ)

መስከረም 26/2007 ዓ.ም

ፕሬዝዳንቱ በዛሬው ዕለት የህዝብ ተወካዮች ም/ቤት አምስተኛ የስራ ዘመን የመጀመሪያ የጋራ ስብሰባ ላይ ተገኝተው የመክፈቻ ንግግር አድርገዋል፡፡

በአገር አቀፍ ኤሌክትሪክ ማደስ ፕሮግራም ባለፈው በጀት ዓመት ሶስት ሺህ ታቅዶ ስድስት መቶ አርባ ሶስት መንደሮችና ከተሞች የኤሌክትሪክ ሀይል እንዲያገኙ መደረጉን ገልፀው፤ ከሀይል አቅርቦት አንፃር ግዙፍና ከኤሌክትሪክ ሀይል በላይም ፋይዳ ያለው፤ መንግስትና መላው የሀገሪቱ ህዝቦች እየተረባረቡበት የሚገኘው የታላቁ የኢትዮጵያ ህዳሴ ግድብ ፕሮጀክት በተያዘለት መርሀ ግብር እየተከናወነ መሆኑን ፕሬዝዳንቱ ተናግረዋል፡፡ በአሁኑ ወቅትም 40 ከመቶ ገደማ ደርሷል ብለዋል፡፡

የግልገል ግቤን፤ የገናሌ ዳዋና ሌሎችም የንፋስና የጂኦተርማል እንዲሁም የውሀ ሀይል ማመንጫ ፕሮጀክቶች በተያዙላቸው መርሀ ግብር መሰረት በመከናወን ላይ ይገኛሉ፡፡

እነዚህ ሰፋፊ ፕሮጀክቶችን የጠቀሱት የኢ.ፌ.ዴ.ሪ ፕሬዝዳንት ዶ/ር ሙላቱ ተሾመ በታላላቅ ከተሞች ከተፈጠረው ከፍተኛ የኤሌክትሪክ ኀይል ፍላጎት አንፃር ካለው የማስተላለፊያ እና ማሰራጫ መስመሮች እንዲሁም በተቋሙ ከቆየው የመልካም አስተዳደር ችግር ተዳምሮ ህዝባችንና ልማታዊ ባለሀብቱ በቂና የማይቆራረጥ ኃይል እያገኙ እንዳልሆነ መንግስት እንደሚገነዘብ ገልፀዋል፡፡

በመሆኑም የአጭር፣ የመካከለኛ እና የረዥም ጊዜ እቅድ ይዘን እየተረባረብን ነው፡፡ በዚሁ አጋጣሚ ለተፈጠረው መስተጓጎል በታላቅ አክብሮት ይቅርታ እንጠይቃለን ብለዋል፡፡

(ሱራፌል ዘላለም)

መስከረም 26/2007 ዓ.ም

ለአንጋፋው የሙዚቃ ሰው ክቡር አርቲስት ጥላሁን ገሰሰ 74ኛ ዓመት መታሰቢያ ይሆን ዘንድ ልዩ ልዩ ፕሮግራሞች ቀርበዋል፡፡ በርካታ ወጣቶች ህብረ ዝማሬ ያቀረቡ ሲሆን የሻማ ማብራት ስነ-ስርዓትና የተለያዩ የኪነ-ጥበብ ስራዎችም ለታዳሚው ቀርበዋል፡፡ አርቲስት ጥላሁን ገሰሰ በህይወት ቢኖር ኖሮ ትናንት ልክ 74ኛ ዓመቱን ያከብር እንደነበርና በኖረባቸው ዘመናት ታላቅ ሰው መሆኑን የሙያ አጋሮቹና ጓደኞቹ ተናግረዋል፡፡

በዝግጅቱ ላይ ከፍተኛ የመንግሥት ባለስልጣናት፣ አንጋፋ የጥበብ ሰዎችና ተጋባዥ እንግዶችም ተገኝተዋል፡፡ (እንደገና ደሳለኝ)

መስከረም 26/2007 ዓ.ም

ከጨለማው የክረምት ጊዜ ወደ ብርሃናማው የበጋው ወራት መሸጋገራቸውን የሚያበስር አደይ አበባ፣ ከጭቃማው ማሳቸው እሸት ማሸቱን የሚያረጋግጥ እርጥብ ቄጤማን በመያዝ በኦሮሞ ብሔረሰብ ዘንድ የሚከበረው የእሬቻ በዓል ሲከበር የብሔር ብሔረሰብ ተወላጆችና ሌሎች የውጭ ሀገራት ቱሪስቶችን ጨምሮ ተገኝተዋል፡፡

የባህልና ቱሪዝም ሚኒስቴር ሚኒስትር አቶ አሚን አብዱል ቃድር ባስተላለፉት መልዕክት የእሬቻ በዓል ከማይዳሰሱ ቅርሶች መካከል አድርጎ በዩኔስኮ ለማስመዝገብ የሚደረገው ጥረት ተጠናክሮ እንደሚቀጥል እና ህዝቡም ባህሉን ጠብቆ ማቆየት እንዳለበት ተናግረዋል፡፡

የኦሮሚያ ክልል ርዕሰ መስተዳድር አቶ ሙክታር ከድር በበኩላቸው በየዓመቱ የሚከበረውን በዓል ለማስፋትና ከጎጂ ባህሎች ለመጠበቅ መንግሥት የበኩሉን ድርሻ እየተወጣ መሆኑን ተናግረዋል፡፡

በአባገዳዎች ምርቃት የተጀመረው በዓሉ በወጣቶች፣ በእናቶች፣ በህፃናት እንዲሁም በአባቶች ጭፈራ ታጅቦ ተጠናቋል፡፡ (ነጋሽ በዳዳ)

መስከረም 26/2007 ዓ.ም

በሀገሪቱ እየታየ ያለው የልማት ሁኔታና የኢኮኖሚ አፈፃፀም በገለልተኛ አካላትና በዓለም ላይ በሚታወቁ ስታንዳርድ ኤንድ ፑረስ፣ ፉች እና ሙዲ በተባሉ ድርጅቶች ታይቶ B እና B+ ደረጃ ከዚህ ቀደም መስጠታቸውን ያስታወሱት የገንዘብና ኢኮኖሚ ልማት ሚኒስትር አቶ ሶፍያን አህመድ ናቸው፡፡

በዚህም ውጤት ኢትዮጵያ የዓለም የካፒታል ገበያን መቀላቀል ስለሚያስችላት በዓለም አቀፍ ደረጃ ቦንድ ለመሸጥ መንግስት መወሰኑን በሰጡት ጋዜጣዊ መግለጫ አስታውቀዋል፡፡

የኢትዮጵያን ሁኔታ በትክክለኛ መልኩ ሊመዝን የሚችለውም የዓለም አቀፉ ካፒታል ገበያ መሆኑን እንደምክንያትነት የጠቀሱት ሚንስትሩ በታህሳስ መጨረሻ ወይም በጥር ወር መጀመሪያ ኢትዮጵያ የቦንድ ሽያጭን እንደምታከናውን ተናግረዋል፡፡

በዘርፉም ልምድ ያላቸው ዓለም አቀፍ ድርጅቶች ባለሙያዎች የተቀጠሩ ሲሆን የቅድመ ዝግጅት ስራዎችም መጠናቀቃቸው ታውቋል፡፡ (ሱራፌል ዘላለም)

መስከረም 23/2007 ዓ.ም

በ2006 ዓ.ም በተወሰኑ የብሮድካስት ሚዲያዎች ላይ ለሀገራዊ ጉዳዮች ሽፋን ከመስጠት አንፃር እጥረት እንዳለ የሚገልፀው የኢትዮጵያ ብሮድካስት ባለስልጣን የመገናኛ ብዙሃን ብዝሃነትና ተደራሽነቱን ከማሳደግ አንፃር 2 የመንግሥት ወይም የህዝብ አገልግሎት የሚሰጡ ጣቢያዎችን ፍቃድ ሊሰጥ መሆኑን ለዛሚ 90.7 ኤፍ ኤም ገልጧል፡፡ በተለይ የንግዱና የህዝብ ሚዲያ ለማይዳረስባቸው ክልሎች እንደሚሰጥ ነው የተናገረው፤ በዚሁ በያዝነው ዓመት 12 የማህበረሰብ ሬድዮ ጣቢያ ፍቃድ እንደሚሰጥ የገለፁት የባለስልጣኑ የህዝብ ግንኙነት ማስተባበሪያ ሃላፊ አቶ ወርቅነህ ጣፋ ናቸው፡፡

በተጨማሪም በሬድዮ ስራ ላይ የተሰማሩት ህግን ተከትለው እንዲሰሩ የክትትልና የቁጥጥር ስራውን እንደሚያጠናክሩ ተናግረዋል፡፡ የዲጂታል ቴክኖሎጂ ሽግግር በተለይ የቴሌቪዥን ስራዎች ላይ የሚሻሻሉ አዋጆችና መመሪያዎችን አዘጋጅተው እንደሚያፀድቁም ገልፀዋል፡፡ (ታሪክ አዱኛ)

መስከረም 22/2007 ዓ.ም

ሰሞኑን ሲካሄድ በነበረው የአፍሪካ ሆቴሎች ኢንቨስትመንት ፎረም ላይ መግለጫውን የሰጠው የማሪዮት አለም አቀፍ ሆቴሎች ኩባንያ የመካካለኛው ምስራቅ ዋና ሀላፊ አሌክስ ካሪኪድስ እንደገለጹት አፍሪካ በፍጥነት እያደገች ያለች አህጉር እንደመሆኗ ትኩረት ሰጥተው እንደሚሰሩ አስታውቀዋል፡፡

በአፍሪካ እ.ኤ.አ አስከ 2050 ድረስ 18 ሆቴሎች እንደሚኖሯቸውም ገልፀዋል፡፡ (እንደገና ደሳለኝ)

መስከረም 21/2007 ዓ.ም

በደሴ ከተማ በጢጣ አካባቢ የተከናወነው የ47 ሺ ሔክታር መሬት የካርታ ርክክብ በመከላከያ ሚኒስቴርና በክልሉ መንግሥት ሲሆን ቦታው ቀደም ሲል ለመካለከያ ሰራዊት በካምፕነት ያገለግል የነበረ ቦታ ነው፡፡ 700 አልጋዎችን የሚይዝ የሆስፒታል ህንፃ የሚገነባ ሲሆን ከህክምናውም ባሻገር በሆስፒታሉ የህክምና ትምህርት እንደሚሰጥበትም ታውቋል፡፡ ሆስፒታሉ ለድንገተኛ ህሙማን አገልግሎት የሚሰጡ የሄሊኮፕተር ማሳረፊያ ግንባታም ይካሄዳል ለሆስፒታሉ አገልግሎት የሚውል ሂሌኮፕተርን እንደሚሰራ የመከላከያ ሚኒስቴር ቃል መግባቱን በርክክቡ ታውቋል፡፡ (ቴድሮስ ብርሀኑ)

መስከረም 21/2007 ዓ.ም

በግብርናው ዘርፍ የተሰማሩ በተለይም አርሶ አደሮች የደረሱ ሰብሎች ቀድመው በመሰብሰብ ጥንቃቄ ሊያደርጉ እንደሚገባ ተጠቁሟል፡፡

በመጪው የበጋ ወቅት የዝናብ ተጠቃሚ የደቡብና የደቡብ ምስራቅ ኢትዮጵያ አካባቢዎች የተሻለ ዝናብ ሊኖራቸው እንደሚችል የብሔራዊ የሜትሮሎጂ ኤጀንሲ አስታውቋል፡፡ ያለፈው ክረምት ወቅት ዝናብ በመላው ሀገሪቱ ላይ ለግብርናው ስራ ምቹ ሁኔታን ለመፍጠር ምርትና ምርታማነትን በማሳደግ እንዲሁም ለውሃ ነክ አገልግሎቶች ከፍተኛ አስተዋፅኦ እንደነበረውም ተነግሯል፡፡ ይሁን እንጂ የክረምቱ ዝናብ አጀማመሩ መልካም ቢሆንም በለይም በስምጥ ሸለቆ በምስራቅ ሸዋ አርሲና ሀረርጌ በሰኔና ሐምሌ ወር ከባድ ዝናብና ጎርፍ መከሰቱን የገለፁት የብሔራዊ ሚትዮሮሎጂ ትንበያና ቅድመ ማስጠንቀቂያ ዳይሬክቶሬት ዳይሬክተር ዶ/ር ድሪባ ቆርቾ ናቸው፡፡ በሌላ በኩል በአሁኑ ወቅት በስፍራው የሚጠበቀው ዝናብ መጣል መቻሉ ቀድሞ ይከሰት የነበረውን ድርቅ እንዳይከሰት ማድረግ መቻሉን ተናግረዋል፡፡

የበጋው ወራት በደረቅነቱ የሚታወቅ ቢሆንም በመጪው የበጋ ወቅት ያለወቅቱ ሊከሰት የሚችል የዝናብ ሁኔታ ሊከሰት እንደሚችል ተገልጧል፡፡ በተለይም በግብርናው ዘርፍ የተሰማሩ አርሶ አደሮች የደረሱ ሰብሎችን ቀድሞ በመሰብሰብ አስፈላጊውን ጥንቃቄ ሊያደርጉ እንደሚገባ ዶ/ር ድሪባ ቆርቾ ተናግረዋል፡፡

ይህ በእንዲህ እንዳለ በቆላማ አካባቢዎች በሰሜን ምስራቅ፣ በስምጥ ሸለቆ፣ በደቡብና ደቡብ ምስራቅ፣ በኦሮሚያና በሶማሊያ አጋማሽ ክልሎችና ቦታዎች ላይ ሰብሎች ቀድመው የሚሰበሰብ መሆናቸውን ለሁለተኛ ጊዜ የዝናብን መምጣት የሚጠባበቁ በመሆናቸው በበጋው ወቅት ይከሰታል ተብሎ የሚጠበቀው ወቅቱን ያልጠበቀ ዝናብ ለግጦሽ ሳር፣ ለውሃ መከማቸት እና ለከብቶ መኖነትን ጨምሮ በረሃማ ለሆኑ አካባቢዎች የአየር ንብረቱን በማስተካከል ጠቃሚ እንደሚሆን ተገልጧል፡፡ (ነጋሽ በዳዳ)

መስከረም 20/2007 ዓ.ም

የወሎ ተሪሼሪ ኬር እና ማስተባበሪያ ሆስፒታል በሀገራችን ታክመን በሀገራች እንዳን በሚል መርህ በአይነቱ ልዩና የመጀመሪያው የሆነ አለም አቀፍ ሆስፒታል በደሴ ጢጣ በሚባል አካባቢ ሊገነባ በዝግጅት ላይ መሆኑ ከዚህ ቀድ የተገለፀ ሲሆን በዚህም መሰረት በትናንትናው እለት በደሴ ከተማ የሚዲያና የኪነጥበብ ባለሙያዎችን እና የክልሉ ተወላጆችን ያቀፈ የገቢ ማሰባሰቢያ ቅስቀሳ ተካሂዷል፡፡

ይህ 1.5 ቢሊዮን ብር የሚፈጀው ሆስፒታልን እውን ለማድረግ ነው የገቢ ማሰባሰቢያ ቅስቀሳ የተጀመረው፡፡ በተጨማሪም በትናንትናው እለት ከተለያዩ የህብረተሰብ ክፍሎች ጋር የፓናል ውይይት ተደርጓል፡፡ በፓናል ውይይቱ የመክፈቻ ንግግር ያደረጉት የሆስፒታሉ የግንባታ ፕሮጀክት ሀላፊ አቶ እሸቱ አየለ ናቸው፡፡ የግንባታው አላማም ወደ ውጭ ሀገር በመሄድ ታክሞ ለመዳን  ገንዘብ ለማሰባሰብ በየጎዳናው የወጡ ወገኖችን ለመርዳትና የሚያጋጥመውን ውጣውረድ ለማስቀረት ከጠቅላይ ሚኒስቴር ጽ/ቤት ጋር በጋራ ታስቦ የተዘጋጀ መሆኑን ገልጸዋል፡፡

የደሴ ከተማ ከንቲባ የሆኑት አቶ አለባቸው የሱፍ በበኩላቸው የተጀመረውን የልማት እንቅስቃሴ ለማጠናከር የጤና ዘርፉ ላይ ማተኮር መሰረታዊ ጉዳይ መሆኑን ገልፀዋል፡፡ (ቴድሮሰ ብርሀኑ)

መስከረም 20/2007 ዓ.ም

በትናንትናው እለት በአዳማ ከተማ በራስ ሆቴል አዳራሽ የአ/አ እና የመቀሌ ዩንቨርስቲ ምሁራን እና  የኢትዮጲያ እንባ ጠባቂ ተቋም የተሳተፉበት ግምገማ ተካሂዷል፡፡ ግምገማውም ምቹ የሆነ ለአንደኛ እና ለሁለተኛ ደረጃ ትምህርት ቤት ማስተማሪያነት በተዘጋጀው ሰነድ ላይ ሲሆን ሰነዱ ላይም ማሻሻያ ሀሳቦች ከተሳታፊዎች ቀርበዋል ፡፡

የግምገማውን የመክፈቻ ንግግር ያደረጉት የትምህርት ሚኒስቴር ሚኒስተር ዴታ አቶ ፉአድ ኢብራሂም ናቸው፡፡ ይህ ግምገማ ዛሬም እንደሚቀጥል ለዛሚ 90.7 ኤፍ ኤም የገለጹት የሰብአዊ መብት ኮሚሽን የሕጻናትና የሴቶች ጉዳይ ኮሚሽን ኮሚሽነር ወይዘሮ አስማሩ በሪሁን ናቸው፡፡ (ታሪክ አዱኛ)

መስከረም 20/2007 ዓ.ም

ይህንን ያሉት የትግራይ ባህልና ቱሪዝም ዋና  ስራ አስኪያጅ አቶ ከበደ አማረ  ሲሆኑ በተለይም የክልሉ ባህላዊ እሴት ተጠብቆ ለትውልድ አንዲተላለፍና ለጎበኚ ምቹ አንዲሆን የተለያዩ አማራጮችን ተጠቅመን አየሰራን ነው ብለዋል፡፡
ከዚህም በተጨማሪ የመቀሌ ቤተመንግስት ለቱሪስት ምቹ እንድሆን ለማስቻል በቅርብ ጊዜ ውስጥ ስራ ለመጀመር እቅድ ይዘናል ማለታቸውን ባልደረባችን ያልፋል አሻግር ዘግቧል፡፡ (ያልፋል አሻግር)

መስከረም 19/2007 ዓ.ም

በድንገተኛ አደጋ (ችግር) ምክንያት ታካሚዎች ወደየሆስፒታል በመሄድ ህክምና ለማግኘት በሚደረገው እንቅስቃሴ ውስጥ የታካሚዎችን እንግልት ለመቀነስ የድንገተኛ ህክምና ግብረ-ሃይል የተቋቋመ ሲሆን ግብረ-ሃይሉም ታካሚዎች የሚገጥማቸውን እንግልት መቀነሱ ተገልጧል፡፡

የጤና ጥበቃ ሚኒስቴር ከአዲስ አበባ ጤና ቢሮ ጋር በመተባበር ግብረ-ሃይሉ የሚያደርገውን እንቅስቃሴ የሚከታተል ሲሆን በ24 ሰዓት ውስጥ በአዲስ አበባ የተከናወኑ ጉዳዮች ላይም ሪፖርት እንደሚያቀርብ የአዲስ አበባ ከተማ አስተዳደር ጤና ቢሮ ሃላፊ የሆኑት አቶ ግርማ አሸናፊ ተናግረዋል፡፡

የህክምና ተቋሞችም ለታካሚ ተገቢውን ህክምና ማድረግ ካልቻሉ ታካሚዎችን በራሳቸው አምቡላንስ ወደ ሌላ ተቋም ይወስዳሉ፡፡ በዚህም የወላጆችንና የታካሚዎችን እንግልት በመቀነስ ረገድ አስተዋፅኦ እያበረከተ ይገኛል፡፡

ወላጅ እናቶች በቤታቸው ሆነው አገልግሎት በሚፈልጉበት ወቅት የጤና ተቋማትን ማናገር እንዲሁም ታካሚዎች ያላቸውን ቅሬታ ወደ 0937-93-93-93 ወይም ወደ 0937-94-94-94 በመደወል ማቅረብ እና አገልግሎቱን ማግኘት እንደሚችሉም አቶ ግርማ አሸናፊ ጨምረው ተናግረዋል፡፡ (ርብቃ ታያቸው)