ሀገር አቀፍ የፖለቲካ ፓርቲዎች በፖለቲካ ፓርቲዎች የምዝገባ አዋጅ 573/2000 ላይ በሚያደርጉት ድርድር የፖለቲካ ፓርቲዎች በምርጫ ሲሳተፉ የሚያስፈልጋቸው የድጋፍ ማሰባሰቢያ ፊርማ ብዛት ከፍ እንዲል ተስማሙ፡፡

ሀገር አቀፍ የፖለቲካ ፓርቲዎች በፖለቲካ ፓርቲዎች የምዝገባ አዋጅ 573/2000 ላይ በሚያደርጉት ድርድር የፖለቲካ ፓርቲዎች በምርጫ ሲሳተፉ የሚያስፈልጋቸው የድጋፍ ማሰባሰቢያ ፊርማ ብዛት ከፍ እንዲል ተስማሙ፡፡
በዛሬው እለት በአዋጁ ላይ መጨመር እና መቀነስ እንዲሁም መሻሻል ባለባቸው ጉዳዮች ላይ የተወያዩት የፓለቲካ ፓርቲዎች ለእለቱ ካነሷቸው ጉዳዩች መካከል የድጋፍ ማሰባሰቢያ ድምጽ ብዛት ላይ ከስምምነት ደርሰዋል፡፡
በዚህም መሰረት የፖለቲካ ፓርቲዎች በምርጫ ሲሳተፉ የሚያስፈልጋቸው የድጋፍ ማሰባሰቢያ ፊርማ ብዛት በሀገር አቀፍ ደረጃ መወዳደር የሚፈልግ ፓርቲ ያስፈልገው የነበረው የ1ሺህ500 ሰዎች ፊርማ ወደ 3000 እንዲሁም በክልል ደረጃ 750 የነበረው ወደ 1ሺህ500 እንዲያድግ ፓርቲዎቹ ስምምነት ላይ መድረሳቸውን የድርድሩ የሚዲያና ኮሚዩንኬሽን ኮሚቴ አስታውቋል፡፡
የፖለቲካ ፓርቲዎቹ ባለፉት ሁለት መድረኮች ባደረጉት ድርድር ከአዋጁ ውስጥ የመጀመሪያዎቹን 31 አንቀፆች ተወያይተውባቸዋል፡፡
በአዋጁ ላይ የሚደረገው ውይይት ሲጠናቀቅ ስምምነት ላይ የተደረሰባቸውን ነጥቦች ለህዝብ ይፋ እንደሚደረጉ ኮሚቴው አስታውቋል፡፡
የፓለቲካ ፓርቲዎቹ ለመደራደር የሚሆኑ ጉዳዩች እና ቅደምተከተላቸው ላይ ሲደራደሩ ከስድስት ወራት በላይ ከፈጀ በኋላ ይህ ድርድር በሰኔ ወር መጨረሻ ላይ መጀመሩ ይታወሳል፡፡
ናርዶስ ዩሴፍ

Leave a comment

Make sure you enter the (*) required information where indicated. HTML code is not allowed.