በአፋር ክልል በደረሰ ከፍተኛ ጎርፍ ሳቢያ 63 ሺህ ሰዎች አደጋ ላይ ወድቀዋል፡፡

በአፋር ክልል በደረሰ ከፍተኛ ጎርፍ ሳቢያ 63 ሺህ ሰዎች አደጋ ላይ ወድቀዋል፡፡
በአፋር ክልል መጋሌ ወረዳ ዞን ሁለት በደረሰው የጎርፍ አደጋ 204 የሚደርሱ ቤቶች፣ትምህርት ቤቶች እና የህክምና ጣቢያዎች ችግር ገጥሞቸዋል፡፡ በክልሉ በጣለው ከባድ ዝናብ ምክንያት ነዋሪዎቹ ከቤት ንብረታቸው ተፈናቅለዋል ፣ የምግብ እጥረትም አጋጥሞቸዋል በተጨማሪም በዚህ ክረምት ብቻ 44 ሺህ አንድ መቶ ዜጎች ከቤታቸው እንደሚፈናቀሉ ተተንብዮል፡፡ ይህንን ችግር ተመልክቶ የኢትዮጵያ ቀይ መስቀል ማህበር ለክልሉ በተለይም በወረዳዉ በድርቁ የከፍ ጉዳት በደረሰባቸው 15 ቀበሌዎች ለሚገኙ አንድ ሺ ያህል ነዋሪዎች 5ሺ ፍየሎች አከፋፍሎል፡፡ በባለፈው አመትም ከ2 ሺህ 3 መቶ በላይ የወረዳዉ ነዋሪዎች የምግብና ቁሳቁስ ድጋፍ አድርጎል፡፡ አፋር ክልል በከፍተኛ መጠን ጎርፍ ከሚያጠቃቸው ክልሎች ቀዳሚውን ስፍራ ስትይዝ እንደ ዋና ምክንያት ደግሞ የሚቀመጠው የአዋሽ ወንዝ በከፍተኛ መጠን መሙላት ነው፡፡ ሌላው ከፍተኛ ዝናብ ከከፍታማ የሀገሪቱ ክፍሎች ማለትም በአማራ እና በትግራይ ክልል መከሰት ለአፋር ክልል በጎርፍ መጥለቅለቅ ተጠቃሽ ምክንያት ናቸው ስትል የተባበሩት መንግስታት ድርጅት ያወጣውን ሪፖርት ዋቢ በማድረግ
ፍሬህይወት ታደሰ ዘግባዋለች ፡፡

Leave a comment

Make sure you enter the (*) required information where indicated. HTML code is not allowed.