አለም አቀፍ ዜናዎች (114)

Monday, 02 November 2015 11:03

የጣሊያን የባህር ሃይል የዓለም አቀፉን የውሃ ስምምነት ጥሷል ስትል ሊቢያ ከሰሰች፡፡

ጥቅምት 22/2008 ዓ.ም

በሊቢያ የተመሰረተው መንግሥት የጣሊያን የጦር መርከቦች በሀገሬ መሬት ውሃ ላይ ይገኛሉ፤ በዚህም ዓለም አቀፉን የውሃ ስምምነት የጣሰ ነው ማለቷን ተከትሎ የጣሊያን መንግሥት ነገሩን አጣጥሎታል፡፡ በሊቢያ እውቅና ያገኘው መንግሥትና ራሱን መንግሥት ነኝ ብሎ የሚጠራውና ትሪፖሊን ተቆጣጥሮ በነበረው ሃይል መካከል በነበረው ግጭት በአይ ኤስ መደበቂያነት ለህገ-ወጥ የሰዎች አዘዋዋሪዎች ጠንክረው እንዲያድጉ ምክንያት ሆኗቸዋል ይላሉ ምዕራባዊያን፡፡

ትላንት ምሽት በተሰጠው መግለጫ መሰረት በሊቢያ እውቅና የተሰጠው መንግሥት ሶስት የጣሊያን የጦር መርከቦች በምስራቅ ሰርጥ አካባቢ ተጠግተው እንደነበር ተገልጧል፡፡ መንግሥትም ይህንን የህግ ጥሰት እንደሚቃወም ገልፀዋል፡፡ ይህንን ተከትሎ የጣሊያን መከላከያ ሚኒስቴር ወቀሳውን እንደማይቀበሉት ተናግረው በሜዲትራኒያን ባህር ላይ ያሉ የጣሊያን ጦር መርከቦች የዓለም አቀፉን ውሃ ስምምነት በማክበር እንደሆነ ተናግረዋል፡፡

የአውሮፓ ህብረት የህገ-ወጥ አዘዋዋሪዎች በሊቢያ ያለውን አረመረጋጋት ተጠቅመው ለሚያደርጉት የሰዎች ዝውውር፤ በተለይ ወደ አውሮፓ የሚደረጉ ጉዞዎችን ለማገድ በሜዲትራኒያን ባህር ላይ ሃይላቸውን አስቀምጠዋል፡፡ የአውሮፓ ህብርት ተልዕኮ ምናልባት ወደ ሊቢያ ውሃ ሊያቀርበው ይችላል ተብሏል ሲል ሮይተርስ ዘግቦታል፡፡

Saturday, 31 October 2015 11:42

ከግብፅ ወደ ሩሲያ እየተጓዘ የነበርና 224 ሰዎችን የጫነ የሩሲያ Airbus A-321 አውሮፕላን በሲናይ መከስከሱ ተሰማ፡፡

ጥቅምት 20/2008 ዓ.ም

አብዛኛዎቹ ተሳፋሪዎች የሩሲያ ቱሪስቶች መሆናቸውንና አውሮፕላኑ ሻርማ ኤል-ሼክ ከተባለው የሲናይ አካባቢ ተነስቶ 23 ያህል ደቂቃዎችን ከበረረ በኋላ ከራዳር እይታ ውጭ መሆኑ ታውቋል፡፡

አውሮፕላኑ የወደቀበትና ሀሰና የተባለው ስፍራ የግብፅ ወታደሮች በአካባቢው ከሚገኙ የአሸባሪው ISIL አባላት ጋር የሚዋጉበት መሆኑን አልጀዚራ ዘግቧል፡፡ እስካሁን የ100 ሰዎች አስከሬን መገኘቱን ያስታወቀው ደግሞ ኢንዲያን ኤክስፕረስ ነው፡፡

Thursday, 29 October 2015 16:23

በሽብርተኛው ቦኮሃራም ታግተው የነበሩ 338 ዜጎችን ነፃ ማውጣቱን የናይጄሪያ ጦር ሃይል ተናገረ፡፡

ጥቅምት 18/2008 ዓ.ም

ቦኮሃራም እንደ ምሽግ በሚጠቀምባት የሳምቢሳ ደን ውስጥ አግኝቷቸው የነበረውን 338 ንፁሃን ዜጎች ከሽብርተኛው ቡድን የባርነት ህይወት ነፃ ማውጣት እንደተቻለ የናይጄሪያ ጦር በትናንትናው እለት አስታውቋል፡፡

የናይጄሪያ የጦር ሃይል ባሳለፍነው ማክሰኞ ባካሄደው ዘመቻ እነዚህ ታጋቾችን ማስለቀቅ እንደተቻለ የገለፀ ሲሆን ከቡድኑ ተፅእኖ ስር ነፃ መውጣት ከቻሉት ዜጎች መካከል 192 የሚሆኑት ህፃናት ናቸው ብሏል፡፡

ከዚህም በተጨማሪ 132 የሚሆኑት ደግሞ ሴቶች መሆናቸውን የናይጄሪያ ጦር ሃይል አመልክቷል፡፡ የናይጄሪያ ጦር ሃይል ታጋቾቹን ለማስለቀቅ ባካሄደው በዚህ ዘመቻው ከ30 በላይ የቦኮሃራም ታጣቂ ሃይሎችን እንደገደለ ገልጧል፡፡ ዘገባው የAFP ነው፡፡

Wednesday, 28 October 2015 14:17

የአይቬሪኮስት ፕሬዝዳንት ዳግም የሀገሪቱ መሪ መሆን የሚያስችላቸውን ድምፅ አገኙ፡፡

ጥቅምት 17/2008 ዓ.ም

ፕሬዝዳንት አላሳን ኦታራ በሀገሪቱ የተካሄደውን ፕሬዝዳንታዊ ምርጫ በከፍተኛ ድምፅ ለማሸነፍ የቀጣይ አምስት ዓመታት መሪነታቸው እንዲቀጥል መደረጉ ነው የተሰማው፡፡

ሌሊቱን ተቆጥሮ የተጠናቀቀው የህዝብ ድምፅ እንዳመላከተው ከሆነ ኦታረታ የ2,118,229 ወይም የ48 ከመቶ አይቬሪኮስታዊያንን ድምፅ አግኝተዋል የተባለ ሲሆን ይህ ድምፅ ተቀናቃኝ ተወዳዳሪዎችን በሰፊ ልዩነት የረመረመ ነው ተብሏል፡፡

ተቀናቃኝ ፓርቲዎች ፍፁም ነፃና ፍትሃዊ ያልሆነ ምርጫ ሲሉ ትችታቸውን የሰነዘሩ ሲሆን ስልጠናቸውን በጉልበት ያገኙ መሪም ሲሉ ኦታራን ወቅሰዋል፡፡

2010 ላይ ተካሂዶ በነበረው ምርጫ የአሁኑ ፕሬዝዳንት የእርስ በርስ ግጭት እንዲፈጠርና ከ3,00 በላይ ንፁሃን ህይወታቸውን እንዲያጡ ምክንያት ሆነው የነበረ ሲሆን ከፕሬዝዳንት ሎረንት ላግቦ ጋርም የፈጠሩት ቅራኔ ሀገሪቱን የከፋ የፖለቲካ ውጥረት ውስጥ ከቷት ነበር፡፡

ዳግም ዙፋናቸውን የያዙት ፕሬዝዳንት አላሳን ኦታራ በተለይም በኢኮኖሚያዊ እንቅስቃሴዎች ላይ ያላቸው ፕሮግራም በብዙዎች ዘንድ ሲተች እንደነበር ቢቢሲ ዘግቧል፡፡

Wednesday, 28 October 2015 14:04

የአውሮፓ ህብረት ኮሚሽን ለስደተኞች ይለቀቅ በተባለው በጀት ላይ ከውሳኔ መድረሱ ተሰማ፡፡

ጥቅምት 17/2008 ዓ.ም

የኮሚሽኑ ፕሬዝዳንት ጄን ክላውድ ጃንከር ትናንት ይፋ እንዳደረጉት ለረጅም ጊዜያት የህብረቱን ሀገራት ሲያከራክር የቆየው የስደተኞች የበጀት ይለቀቅ አይለቀቅ ጉዳይ አሁን ላይ እልባት እያገኘንለት ነው ብለዋል፡፡

አንዳንድ ሀገራት ለስደተኞች የሚለቀቀው በጀት ለቀቅ ይበል፣ ቀዳዳዎቻቸውን ይሸፍንላቸው ሲሉ ሌሎች ሀገራት ደግሞ መቆጠብ አለበት ገንዘብ አወጣጣችንን ቆም ብለን እናጢን ሲሉ መከራከሪያ ሃሳብ አቅርበው እንደነበር ያስታወሱት ፕሬዝዳንቱ አሁን ላይ ሁለቱንም ተቃራኒ ሃሳቦች የሚያግባባ ሃሳብ ተገኝቷል ነው ያሉት፡፡

እንደ ፕሬዝዳንቱ ገለፃ ከተለያዩ ሀገራት ወደ አውሮፓ ለሚመጡ ስደተኞች ኑሮ መደጎሚያ የሚሆነው እና እንደልባቸው እንዲንቀሳቀሱ የሚያስችለው ገንዘብ የሚለቀቅበት እና ለስደተኞቹ የሚሰጥበት አማራጭ ተዘጋጅቷል 2016 ላይም ተግባራዊ ይደረጋል ብለዋል፡፡

አንዳንድ የአውሮፓ ሀገራት በስደተኞች ምክንያት በጀታችን እየተናጋ ነው ሲሉ ቅሬታቸውን እየተናገሩ ቢሆንም ሁሉም ሀገራት ግን በውስጣቸው ስላሉ ስደተኞች ሁኔታ የተጣራ መረጃን መያዝ አለባቸው ሲሉ ጃንኮር ተናግረዋል ያለው ሮይተርስ ነው፡፡

Monday, 19 October 2015 13:06

የመጠጥ ውሃ እጥረት በናይጄሪያ ቦርኖ መከሰቱን ተከትሎ ነዋሪዎች ተቃውሟቸውን ገለፁ፡፡

ጥቅምት 08/2008 ዓ.ም

በሺዎች የሚቆጠሩ በጃካና እና ኮንዱግ መንደሮች የሚኖሩ ሰዎች በተለይም ወጣቶች ተቃውሟቸውን የተለያዩ ግንባታዎችን በማፍረስ ገልፀዋል፡፡

ጃካና የተባለችው መንደር ከማዱጉሪ በ35 ኪሎ ሜት ርቀት ላይ የምትገኝ ስትሆን በቦኮሃራም ጥቃት ይሰነዘርባትም ነበር፡፡

የዚህ አካባቢ ነዋሪዎች ውሃ ለመግዛት ሩቅ መንገድ ከመጓዛቸውም ባሻገር 25 ሊትር ውሃ ለመግዛት በሀገሪቱ የመገበያያ ገንዘብ መቶ ብር ይከፍላሉ፡፡ በሌሎች አካባቢዎች በ5 የብር ኖቶች ብቻ ይገዛል፡፡ የአካባቢው ነዋሪ ለቫንጋርድ እንደገለፀው ቦኮሃራም ባደረሳቸው የተለያዩ ውድመቶች ለመጠጥ ውሃ ግዢ ይህን ያህል ገንዘብ ማውጣት ለመንደሩ ነዋሪዎች የማይታሰብ ነው፡፡ ዘገባው የቫንጋርድ ነው፡፡

Wednesday, 14 October 2015 17:11

የየመን የጦር ሃይሎች የሳውዲን የስለላ ሰው አልባ ጄት መጣላቸው ተሰማ፡፡

የጥቅምት 2-1-08

ሪያድ የየመንን ድንበር እየጣሰች ያሻትን እያደረገች በምትገኝበት በዚህ ጊዜ በሀገሪቱ ሰሜን ምዕራብ ግዛት በሆነችው ሳአዳ ጦሩ ይህንን ተግባር ፈፅሞታል፡፡ ጦሩ የፈፀመው ተግባር ከመገናኛ ብዙሃን ዘገባ ለምን እንዲርቅ እንደተፈለገ ባይገለፅም ሰው አልባው ጄት ከመዲናዋ ሰንዓ በ240 ኪ.ሜ ርቀት በምትገኘው ተራራማዋ ግዛት አል-ዳሀ‰ር አውራጃ አርብ እለት ተመቶ ወድቋል፡፡

በተከታዮቹ ባሉት ቀናት የየመን ሃይሎች በአል ኮሆቢ አውራጃ የሳውዲ ደቡብ ምዕራባዊ ድንበር ላይ ተሽከርካሪዎች እንዲወድሙ አድርጓል፡፡ በሌላ የየመን ጉዳይ ሳውዲ በወሰደችው የአየር ላይ ጥቃት አንድ ግለሰብ መገደሉ ተሰምቷል፡፡

ጥቃቱ በሀጃህ ግዛት የተፈፀመ ሲሆን ሌሎች ንፁሃን እንዲጎዱ ምክንያትም ሆኗል፡፡ የአየር ላይ ጥቃቱ በሌላኛዋ የሀገሪቱ ግዛት በሆነችው ሳአዳ የተፈፀመ ሲሆን የግዛቲቱ የቴሌቪዥን ኔትወርክ እንዲወድ  መደረጉን AFP ፅፎታል፡፡

��ስጥ ያለው የኑሮ ውድነት ነው ይላሉ፡፡

ይህንን ችግርም ለመቅረፍ ፋብሪካው እንደመፍትሄ እያሰበ ያለው የሰራተኞች መኖሪያ መንደር መገንባት ስለሆነ ለዚህ የሚሆን ቦታ ከመንግሥት ጠይቋልም ብለዋል፡፡ አቶ ታደሰ የደመወዝ በወቅቱ አለመክፈልን በተመለከተ የምናውቀው ነገር አልነበረም ችግሩ ካለ ግን እንከታተላለን ሲሉም ተናግረዋል፡፡

Wednesday, 14 October 2015 17:08

የአልጀሪያ መንግሥት አንድን የግል የቴሌቪዥን ጣቢያ መዝጋቱ ተሰማ፡፡

የአልጀሪያ የኮሚኒኬሽን ሚኒስቴር የግል የቴሌቪዥን ጣቢው በትላንትናው እለት እንዲዘጋ ምክንያት የሆነውን የገለፀ ሲሆን የቀድሞ የእስልምና ቡድን ተዋጊ ከቀናት በፊት ከቴሌቪዥን ጣቢው ጋር ባደረጉ ቃለ-መጠይቅ የሀገሪቱን ፕሬዝዳንት አብዱላዚዝ ቡተፍሊካን በመተቸታቸው ነው፡፡

መስሪያ ቤቱን ጨምሮ ኢል ዋታን የተሰኘው የቴሌቪዥን ጣቢያ ህገ-ወጥ በሆነ እና ሃላፊነት በጎደለው መልኩ ያደረገውን ተግባር ተችቶታል፡፡

ማዲና ሚዚረግ የተሰኘው የ1990ዎቹ የግጭት ወቅት ጣቢያው እንዲዘጋበት ምክንያት የሆነበት የኢል ዋታን የስ ሃላፊዎችን ጨምሮ የሰጡት ሃሳብ የለም፡፡ በዚሁ ጊዜ የተፈፀመውን የእስልምና ቡድን ሃይሎች እና ጦሩ ያካሄዱት ውጊያ ለ200 መቶ ሺህ ሰዎች ህልፈተ ህይወት ምክንያት ሆኗል፡፡ በአልጀሪያ የሚገኙ የግል የቴሌቪዥን ጣቢያዎች በሰሜን አፍሪካዊቷ ሀገር ስርጭታቸውን ለማስተላለፍ ከመንግሥት ፍቃድ ማግኘት እንዳለባቸው ሮይተርስ ዘግቧል፡፡

ረግላቸው አንዳንዶች ደግሞ በ10 ወርም ላይጨመርላቸው እንደሚችል አጨማመሩም ውጤቱን መሰረት ያላደረገ ነው ይላሉ፡፡

ጉዳዩን አስመልክቶ የኢንዱስት ሚኒስቴር ሚኒስትር ዴኤታው አቶ ታደሰ ሃይሌ ችግሩ የደመወዝ ማነስ ሳይሆን ከተማው ውስጥ ያለው የኑሮ ውድነት ነው ይላሉ፡፡

ይህንን ችግርም ለመቅረፍ ፋብሪካው እንደመፍትሄ እያሰበ ያለው የሰራተኞች መኖሪያ መንደር መገንባት ስለሆነ ለዚህ የሚሆን ቦታ ከመንግሥት ጠይቋልም ብለዋል፡፡ አቶ ታደሰ የደመወዝ በወቅቱ አለመክፈልን በተመለከተ የምናውቀው ነገር አልነበረም ችግሩ ካለ ግን እንከታተላለን ሲሉም ተናግረዋል፡፡

Tuesday, 29 September 2015 13:17

እንግሊዝ ወታደሮቿን ወደ ሶማሊያ ልትልክ መሆኑ ተሰማ፡፡

መስከረም 18/2008 ዓ.ም

እነዚህ እንግሊዝ የምትልካቸው 300 ያህል ወታደሮች ወደ ሶማሊያና ደቡብ ሱዳን የሚሄዱ ሲሆን አላማውም የወታደሮች ስልጠና ለመስጠትና የቀጠናውን ደህንነት ለማጠናከር ነው ተብሏል፡፡

ወታደሮቹ ከተባበሩት መንግሥታት ሰላም አስከባሪዎች ጋር በትብብር የሚሰሩ ሲሆን የህክምና፣ ሎጅስቲክ፣ የኢንጂነሪንግ ድጋፍ እንዲሁም ስልጠናዎችንም ይጨምራል ሲል መንግሥት አስታውቋል፡፡

ጠቅላት ሚኒስትር ዴቪድ ካሜሮን ይህንን ያሳወቁት በተባበሩት መንግሥታ ድርጅት ጠቅላላ ጉባዔ ኒውዮርክ ላይ ሲሆን በንግግራቸው ይህ ለቀጠናው ሰላምና መረጋጋት ብቻ ሳይሆን ለራሳችን ስንልም የምናደርገው ነው ብለዋል፡፡ በዚህም ወደ እንግሊዝ የሚደረገውን ፍልሰት ይቀንሰዋል፡፡

እንግሊዝ ከዚህ ቀደም በተባበሩት መንግሥታት ሰላም አስከባሪ ላይ ያላት ሚና ከፋይናንስ ያልዘለለና በሳይፕረስ ያሉት 280 ወታደሮቿ ናቸው፡፡ የአሁኑ እቅዷም ትርጉም ያለው ነጥብ አስይዞላታል ተብሏል፡፡ ዘገባው የፕሬስ ቲቪ ነው፡፡

Friday, 04 September 2015 09:33

በእንግሊዝ ከእፅ መመረዝ ጋር ተያይዞ የሚሞቱ ሰዎች ቁጥር መጨመሩ ተሰማ፡፡

ነሐሴ 29/2007 ዓ.ም

አዲስ የወጣው ሪፖርት ከሄሮይን እና ሞርፊን ጋር ተያይዞ የሚመጣው ሞት መጨመሩን ያመላክታል፡፡

በሀገሪቱ ብሄራዊ ስታትስቲክስ ቢሮ የወጣው መረጃ ይፋ እንዳደረገው እ.ኤ.አ በ2014 ብቻ በአጠቃላይ 3,346 ሰዎች ህጋዊ በሆነ እና ህጋዊ ባልሆነ መልኩ ለተመረዘ እፅ በመጋለጣቸው  በዌልስ እና እንግሊዝ ህይወታቸው አልፏል፡፡

ከባለፉት ሁለት ዓመታት ጋር ሲነፃፀር የሟቾች ቁጥር በ2/3ኛ የጨመረ ሲሆን ቢሮ እ.ኤ.አ ከ1993 ጀምሮ መመዝገብ ከጀመረበት ጊዜ አንስቶም ከፍተኛ ሆኖ ተገኝቷል፡፡

ከሟቾች መካከል 2,248 የሚሆኑት በህገ-ወጥ እፅ አማካኝነት ህይወታቸው አልፏል፡፡

እንደ ሪፖርቱ ከሆነ የሚበዙት ተጎጂዎች እድሜያቸው ከ40 እስከ 49 ባለው ክልል ውስጥ ነው፡፡ ከሄሮይን እና ሞርፊን ጋር ተያይዞ ባለፈው ዓመት የሞቱት ሰዎች ቁጥር ደግሞ ከ2012 በኋላ በ64 በመቶ ጨምሯል፡፡

በተጨማሪም የኮኬን መነሻ የሆነው የእፅ አቅራቢዎች ቁጥር መበራከት ሲሆን ዋጋ በመቀነስ የተመረዘ እፅን ያቀርባሉ ሲል ብሄራዊ ስታትስቲክስ ቢሮ መናገሩን ፕሬስ ቲቪ ፅፎታል፡፡

Wednesday, 02 September 2015 09:31

ሀንጋሪ የስደተኞች ምልልስ በከፍተኛ ሁኔታ ጨምሮብኛል በማለት ዋነኛ የባቡር ጣቢያዋን ዘጋች፡፡

ነሐሴ 27/2007 ዓ.ም

ሀገሪቱ በቡዳፔስት የሚገኘውን ዋንኛ የባቡር ጣቢያ እንደዘጋች ነው የተናገረችው፡፡ መንግሥት ይህን ውሳኔዋን ባስተላለፈችበት ወቅት በሺዎች የሚቆጠሩ ስደተኞች በባቡር ጣቢው ላይ ወደ አውስትራሊያና ጀርመን ለመሄድ እየተጠባበቁ ነበርም ተብሏል፡፡ ከመካከለኛው ምስራቅ ክፍል ሰላም ካጡ ሀገራት መጥተዋል የተባሉት ስደተኞች ከፖሊስ የተሰጣቸውን ትዕዛዝ በሰሙበት ወቅት መጠነኛ ግብግብ ፈጥረው የነበረ ቢሆንም አንዳችም የተኩስ ድምፅ እንዳልተሰማ ተነግሯል፡፡

ስደተኞቹ የተለያዩ ማስረጃዎቻቸውን ለፖሊስ ሃይሉና ለባቡር ጣቢያው ጠባቂዎች ቢያሳዩም ተቀባይነት ሳያገኙ ቀርተው ከስፍራው ገለል እንዲሉም ተደርጓል ያለው የዜና ምንጩ ነፃነት አልያም ጀርመን የሚል መፈክርን እያሰሙ ወደ መጠለያ ጣቢያቸው ተመልሰዋልም ብሏል፡፡

የሀንጋሪ መንግሥት በየቀኑ ቁጥሩ እየጨመረ የመጣውን የስደተኞች ፍሰት ማስተናገድ እየተሳነኝ ነውና ይህን ወስኛለሁ ያለ ሲሆን ከአውሮፓ ህብረት ጋርም በዚህ ዙሪያ የምመክርበት ነጥብ ስላለ ከዛ በኋላ ለውጥ ይኖራል ብለን እናስባለን ማለታቸውን የዘገበው VOA ነው፡፡

Wednesday, 02 September 2015 09:21

ኬንያ አበረታች መድኃኒት የሚወስዱ ስፖርተኞችን በወንጀል የሚያስጠይቅ ህግ ተግባራዊ ልታደርግ መሆኑን የኬንያው ምክትል ፕሬዝዳንት ዊሊያም ሩቶ ተናገሩ፡፡

ነሐሴ 27/2007 ዓ.ም

ሰሞኑን በቤጂንግ አስተናጋጅነት ሲካሄድ የነበረው 15ኛው የዓለም አትሌቲክስ ሻምፒዮናን በአንደኝነት የፈፀመችው የምስራቅ አፍሪካዊቷ ሀገር ኬንያ ከአበረታች መድኃኒት ቅሌት ጋር በተገናኘ ስሟ በተደጋጋሚ በዓለም መድረክ መነሳቱ የሀገሪቱን ገፅታ እያበላሸ መሆኑን፤ ለዚህ ችግር አፋጣኝ ምላሽ ለመስጠትም አዲስ ህግ ተግባራዊ እንደሚደረግ ምክትል ፕሬዝዳንቱ ጠቁመዋል፡፡

ኬንያ አመርቂ ውጤት ባስመዘገበችበት በ15ኛው የቤጅንግ አትሌቲክስ ሻምፒዮና ላይ ካሳተፈቻቸው አትሌቶች መካከል ሁለት አትሌቶቿ የአበረታች መድኃኒት ተጠቅመው መገኘታቸው አይዘነጋም፡፡

ኬንያ ከአበረታች መድኃኒት ጋር በተገናኘ ስሟ በተደጋጋሚ መነሳቱን መንግሥት በቸልታ አይመለከተውም ያሉት ምክትል ፕሬዝዳንት ዊሊያም ሩቶ በአበረታች መድኃኒት ቅሌት ውስጥ ተሳታፊ የሚሆኑ ስፖርተኞች፣ የህክምና ባለሞያዎችን ጨምሮ የስፖርተኞች ወኪሎች በህግ እንዲጠየቁ ከተደረጉ በኋላ ተገቢውን ቅጣት ያገኛሉ ብለዋል፡፡ ዘገባው የቫንጋርድ ድረ-ገፅ ነው፡፡

Wednesday, 15 July 2015 09:50

የሩዋንዳ ህዝቦች ፓርላማ የምርጫ ህጉ እንዲስተካከል ጠየቀ፡፡

ሐምሌ 08/2007 ዓ.ም

ከ3.7 ሚሊዮን በላይ ሩዋንዳዊያን ትናንት በፓርላማው ተገኝተው የፕሬዝዳንታዊ ምርጫው የስልጣን ገደብ ይነሳ ሲሉ ድምፅ መስጠታቸው ነው የተነገረው፡፡

ፕሬዝዳንቱ ፖልካጋሜ ለ2017ቱ ፕሬዝዳንታዊ ምርጫ ዳግም እንዳይወዳደሩ የሚከለክለውን ህግ ለማሻሻል አልያም ለመለወጥ ህዝብ ድምፅ ይስጥበት ያሉ ሲሆን፤ በዚህም መሰረት ሚሊዮኖች ፕሬዝዳንቱ ዳግም ሀገሪቱን እንዲመሩ እና በምርጫም እንዲወዳደሩ ፈልገዋል ተብሏል፡፡

ፕሬዝዳንቱ ይህ የህዝቤ ውሳኔ ነው፤ እኔ ህግን የመለወጥ እና በራሴ ህግ የመመራት ስልጣን የለኝም፤ አሁንም የህዝቤን ድምፅ አከብራለሁ ብለዋል፡፡

ቀኝ ዘመም የፖለቲካ ቡድኖች ደግሞ የሩዋንዳን የህግ አውጪዎች የወነጀሉ ሲሆን ዝም ማለቱም መልካም አይደለም ብለዋል፡፡ ዘገባው የቢቢሲ ነው፡፡

Wednesday, 17 June 2015 12:55

የሶማሊያ ተማሪዎች ከ25 ዓመታት በኋላ ለመጀመሪያ ጊዜ ለብሔራዊ ፈተና ተቀመጡ፡፡

ሰኔ 10/2007 ዓ.ም

7,000 ተማሪዎች ማጠቃለያ ፈተናቸውን መውሰድ መጀመራቸው ሀገሪቱ ካለችበት የተሻለ ሁኔታ ጋር የሚያያዝ ነው ሲል ዘገባው ገልጧል፡፡

የሁለተኛ ደረጃ ተማሪዎች አጠቃላይ ፈተና ለሚወስዱበት ታላቅ ቀን መብቃታችን ስኬት ነው፤ በፈተናው ስኬታማ እንድትሆኑ እመኛለሁ ሲሉ የትምህርት ሚኒስትሩ አስታውቀዋል፡፡

የውስጥ ፀጥታ ሃላፊው አብዱራዛክ ኦማር ሙሀመድ እንዳሉት ከሆነ ፈተናው በሚሰጥባቸው ጣቢያዎች ምንም አይነት የሽብር ጥቃት እንዳይፈፀም ክትትል እየተደረገ ነው፡፡

እ.ኤ.አ ከ1991 ወዲህ በሀገሪቱ ብሔራዊ የመልቀቂያ ፈተና ሲሰጥ ይህ የመጀመሪያው ነው በማለት ዘገባውን ያስነበበው ዥንዋ ነው፡፡

Monday, 18 May 2015 14:10

ኢኳደር በአንድ ቀን ውስጥ ብቻ 647 ሺ 250 ችግኞችን ተከለች፡፡

ግንቦት 10/2007 ዓ.ም

የሀገሪቱ ፕሬዝዳንት ራፋኤል እንዳሉት ከሆነ የተለያዩ አይነት የዛፍ ችግኞች ተተክለዋል፤ የጊነስ ሪከርድ መሰበሩንም ተናግረዋል፡፡

የሀገሪቱ የአካባቢ ሚኒስቴር እንዳሉት ከሆነ 44ሺ 883 ሰዎች በችግኝ ተከላው ላይ ተሳታፊ ሆነዋል፡፡ በአጠቃላይ ከ2,000 ሄክታር መሬት በችግኞች ተሸፍኗል ሲል በትዊተር ገፁ ገልጧል፡፡

ችግኞቹ ሲፀድቁ በአካባቢያዊ የአየር ንብረት ለውጥ ላይ አዎንታዊ ለውጥን ያመጣሉ ተብሏል፡፡ ባለፈው ዓመት ተመሳሳይ ክብረ-ወሰንን በዓለም አቀፉ የድንቃድንቅ መዝገብ ላይ ማስፈር የቻለችው ፊሊፒንስ ነበረች ሲል አስታውሶ የዘገበው ፕሬስ ቲቪ ነው፡፡

Monday, 18 May 2015 14:01

በትምህርት ቤቶች የሞባይል ስልክ መጠቀምን መከልከል በተማሪዎች ውጤት ላይ በጎ የሆነ ለውጥ ማምጣቱን በእንግሊዝ የተደረገ ጥናት ጠቆመ፡፡

ግንቦት 10/2007 ዓ.ም

በ4 የእንግሊዝ ከተሞች በተሰበሰበው ዳታ አማካኝነት በተደረገው ጥናት መሰረት የተማሪዎች ውጤት በ6 በመቶ አድጓል፡፡ ሊዊስ ፍሊፒስ እና ሪቻርድ መርፊ በጥናቱ ላይ ተሳታፊ የነበሩ ሲሆን የሞባይል ስልኮች በተማሪዎች ላይ የውጤት መቀነስ፣ በዙሪያቸው ያሉትን ሰዎች በመረበሽ ህይወታቸው ይረበሽ ነበር ሲሉ ተናግረዋል፡፡ በጥናቱ ውስጥ የተካተቱት ተማሪዎች እድሜ ከ11-16 ነው፡፡

ለንደን School of Economics ጥናቱን ሲያጠቃልል እንደተነተነው ከሆነ ትምህርት ቤቶች የተማሪዎችን ውጤታማ መሆን የሚፈልጉ ከሆነ የሞባይል ስልክ ወደ ት/ቤት ይዘው እንዳይመጡ መከልከል አለበት ብለዋል፡፡ ዘገባው የፕሬስ ቲቪ ነው፡፡

Monday, 18 May 2015 13:59

ደቡብ አፍሪካ ከ400 በላይ የሞዛምቢክ ዜጎችን ወደ ሀገራቸው ላከች፡፡

ግንቦት 10/2007 ዓ.ም

በሀገሪቱ በደርባን እና ጆሃንስበርግ የተነሳውን ግጭት ተከትሎ ነው ወደ ሀገራቸው የተመለሱት፡፡ ስደተኞች ህጋዊ የመኖሪያ ፍቃድ የላቸውም፡፡

በደቡብ አፍሪካ ያሉት ስርዓጥ ዜጎች ምክንያት የሚያደርጉት የውጭ ሀገር ዜጎችን ሆኗል፡፡ በሀገሪቱ የስራ አጥ ቁጥር 24 በመቶ ነው፡፡ የሞዛምቢክ መንግሥት በበኩሉ በደቡብ አፍሪካ እርምጃ መገረሙን አስታውቋል፡፡

በጉዳዩ ዙሪያ ለመወያየት አቅደን ነበር ነገር ግን ዜጎች ታስረዋል በማለት ውጭ ጉዳይ ሚኒስትር Oldemiro Baloi ገልፀዋል፡፡

በደቡብ አፍሪካ በተነሳው የውጭ ዜጎችን ጥላቻ ግጭት ከሞቱት 7 ሰዎች መካከል አንዱ ሞዛምቢካዊ ነው፡፡

የደቡብ አፍሪካ መንግሥት መግለጫ እንደሚያመለክተው ከሆነ ከሚያዝያ ጀምሮ 3,900 ሰዎች በቁጥጥር ስር ውለዋል ከነዚህ መካከል 1,650 የሚሆኑት ህገ-ወጥ ስደተኞች ናቸው ብሏል፡፡ ዘገባው የቢቢሲ ነው፡፡

Monday, 06 April 2015 12:11

የአፍሪካ ሀገራት መሪዎች የቦኮሃራም የሽብር ተግባር ላይ ለመምከር ቀጠሮ መያዛቸው ተገለፀ፡፡

መጋቢት 28/2007 ዓ.ም

በማዕከላዊና በምዕራብ አፍሪካ ሀገራት ያሉ መሪዎች የቦኮሃራምን ጥቃት /የሽብር ተግባር/ በመከላከል ላይ ለመምከር ቀጠሮ የያዙት በፈረንጆቹ ሚያዝያ 8 ላይ ነው፡፡ በትናንትናው ዕለት ስብሰባውን በጥምረት የሚያዘጋጁት ኢኮዋስ (ECOWAS) እና ኢካሳ (ECCAS) እንዳስታወቁት መሪዎቹ በተጠቀሰው ቀን ለመመካከር የሚገናኙት በኢኳቶሪያል ጊኒ ማላቦ ነው፡፡

የቀድሞው የወታደራዊ ሃይል መሪ የነበሩት ሙሀመድ ቡሃሪ የፕሬዝዳንታዊ ምርጫ ማሸነፋቸው ከተሰማ በኋላ ቀጠሮ የተያዘለት የመጀመሪያው ስብሰባ ነው፡፡ ምንጮች አዲስ የተመረጡት ፕሬዝዳንት ቡሃሪ ቃለ-መሃላቸውን ይፈፅማሉ ተብሎ የሚጠበቀው በፈረንጆቹ ግንቦት 29 መሆኑን ያመላከቱ ሲሆን በቦኮሃራም ላይ ለመምከር በታሰበው በዚሁ ስብሰባ ላይ መገኘታቸውን በተመለከተ የተረጋገጠ ነገር አለመኖሩን ጠቁመዋል ሲል የዘገበው አጃንስ ፍራንስ ፕሬስ ነው፡፡