Friday, 18 August 2017 08:42

ስፔን በሀያ አራት ሰዐት ውስጥ ስድስት መቶ ስደተኞችን ህይወት ከአደጋ ታደገች፡፡

Written by 
Rate this item
(0 votes)

ስፔን በሀያ አራት ሰዐት ውስጥ ስድስት መቶ ስደተኞችን ህይወት ከአደጋ ታደገች፡፡
የስፔን የባህር በር ጠባቂዎች እንደገለጹት በሀያ አራት ሰአት ውስጥ ስድስት መቶ ስደተኞች ሞሮኮን በማቋረጥ በስፔን ይገኛሉ፡፡
ስደተኞቹን እና ሰላሣ አምስት የሚደርሱ ህጻናትን ጨምሮ አስራ አምስት መርከቦችን እና ጄት አውሮፕላኖችን በመጠቀም ስፔን ህይወታቸውን ታድጋለች፡፡
የተባበሩት መንግስታት እንደገለጸው ባሳለፍነው አመታት ከዘጠኝ ሺህ የሚበልጡ ስደተኞች በስፔን እንዳረፉ ይታወሳል፡፡ በዚህ ጊዜም ከመቶ ሀያ የሚበልጡ ሰዎች የመስመጥ አደጋ እንደደረሰባቸው ይታመናል፡፡
ባሳለፍነው ሳምንትም ወደ ስፔን በስምንት ወራት ውስጥ የገቡ ስደተኞች ቁጥር ከ13ሺህ በላይ መሆኑን እና ከባለፈው አመት ሲነጻጸር በሶስት እጥፍ ማደጉን አስታውቆ ነበር፡፡
አያይዞም ስፔን የኢኮኖሚዋን እድገት መታደግ የምትፈልግ ከሆነ ወደ ሀገሪቷ ሚገቡትን ስደተኞች ቁጥር መቀነስ እንዳለባትም ተገልጾ ነበር፡፡
የአለም አቀፍ የስደተኞች ተቋም እንደተናገረው ከዚህ ቀደም ስደተኞች የሚበዙባት ሀገር ግሪክ ስትሆን በአሁን ሰአት ግን ስደተኞች በብዛት የሚሰፍሩባት ሀገር ስፔን ሆናለች ሲሉ ተናግረዋል፡፡
ከዚህ በተጨማሪም ከዚህ አመት መጀመሪያ ጊዜ አንስቶ ወደ መቶ ሺህ የሚደርሱ ስደተኞች ከሊቢያ ወደ ጣሊያን ሲያቋርጡ ሁለት ሺህ ሁለት መቶ አርባ ሁለት ሰዎች መንገድ ላይ እንደሞቱ የአለም አቀፍ ስደተኞች ተቋም ይናገራል፡፡
የጣሊያን የባህር በር ጠባቂዎች እንደተናገሩት ባሳለፍነው ሰኔ ወር ከሊቢያ የመጡ አምስት ሺህ የሚደርሱ ስደተኞችን ህይወት ታድገናል ሲሉ ተናግረዋል፡፡
ዘገባው የቢቢሲ ነው፡፡

Read 62 times

Leave a comment

Make sure you enter the (*) required information where indicated. HTML code is not allowed.