Tuesday, 08 August 2017 12:10

የዩጋንዳና የታንዛኒያ ፕሬዚዳንቶች ለአለም ረጅሙ የድፍድፍ ነዳጅ ማስተላለፊያ የትቦ መስመር ለመዘርጋት የግንባውን የመሰረት ድንጋይ አስቀመጡ፡

Written by 
Rate this item
(0 votes)

የዩጋንዳና የታንዛኒያ ፕሬዚዳንቶች ለአለም ረጅሙ የድፍድፍ ነዳጅ ማስተላለፊያ የትቦ መስመር ለመዘርጋት የግንባውን የመሰረት ድንጋይ አስቀመጡ፡፡
የታንዛኒያ ፕሬዚዳንት ጆን ማግፉሊ እና የዩጋንዳ አቻቸው ወሪ ሙሴቪኒ ቅዳሜ እለት ለድፍድፍ ነዳጅ ማተላለፊያ የሚሆን ከሆሚያ ዩጋንዳ እስከ ታንዛኒያ የህንድ ውቂያኖስ ወደብ ታንጋ የሚደርስ ማስተላለፊያ ትቦ ለመገንባት የመሰረት ድንጋዩን አስቀምጠዋል፡፡

መስመሩ 1ሺህ 443 ኪሎ ሜትር ሲረዝም 3.55ቢሊዩን ዶላር ይፈጃል፡፡ ሲጠናቀቅም በቀን 200ሺህ ሊትር ነዳጅ ያስተላልፋል፡፡ በዚህም በአለም ረጅሙ የነዳጅ ማስተላለፊያ መስመር ይሆናል፡፡

የሀገራቶቹ ባለስልጣናት ግንባታው እ.ኤ.አ በ2018 መጀመሪያ ላይ ይጀመራል ብለዋል፡፡ ፕሮጀክቱ በ 36 ወራት እንደሚጠናቀቅ እና ከ6ሺህ እስከ 10ሺህ ለሚሆኑ ሰራተኞች የስራ እድል እንደሚፈጥርም ይጠበቃል፡፡

ዩጋንዳ በአሁኑ ወቅት 6.5 ቢሊዩን በርሜል የሚሆን የድፍድፍ ነዳጅ ክምችት አላት፡፡ በተጨማሪም 1.7 ቢሊየን በርሜል ድፍድፍ ነዳጅ ደግሞ በመሬቷ ያለ እና ገና ተቆፍሮ ያልወጣ ነው፡፡

በታንዛኒያ በኩል በተጨማሪም እንደ ካሌሚኒ ገለጻ የማስተላለፊያ መስመሩ 8 ክልሎችን፤ 24 ወረዳዎችን እና 184 መንደሮችን ያልፋል፡፡
ፕሬዚዳንት ማግፉሊ በመሰረት ድንጋይ ማስቀመጥ ስነ ስርአቱ ላይ በታንጋ አካባቢ ብቻ በቀጥተኛም ሆነ ቀጥተኛ ባልሆነ መንገድ ከፕሮጀክቱ ተጠቃሚ የሚሆኑ 45ሺህ የሚሆኑ ወጣቶች አሉ ብለዋል፡፡
መረጃውን ያገኘነው ከዩጋንዳ ዴይሊ ኦይል ጆርናል ነው፡፡

Read 23 times

Leave a comment

Make sure you enter the (*) required information where indicated. HTML code is not allowed.