Wednesday, 19 July 2017 07:22

የሶማሌ መንግስት ለቀድሞ የአገሪቱ ፕሬዝደንት ሃሰን ሼክ ሞሃመድ ወርሃዊ የአርባ ሺህ የአሜሪካን ዶላር የጡረታ ክፍያ እንዲፈፀምላቸው አፀደቀ፡፡

Written by 
Rate this item
(0 votes)

የሶማሌ መንግስት ለቀድሞ የአገሪቱ ፕሬዝደንት ሃሰን ሼክ ሞሃመድ ወርሃዊ የአርባ ሺህ የአሜሪካን ዶላር የጡረታ ክፍያ እንዲፈፀምላቸው አፀደቀ፡፡
በአሁኑ ወቅት ኑሮዋቸውን በታንዛኒያ ያደረጉት የቀድሞ የሶማሌ ፕሬዝደንት ሃሰን ሼክ ሞሃመድ የአገራቸው ካቢኔ ባሳለፍነው ሳምንት ባደረገው ስብሰባ ለጡረታዎ በሚል በየወሩ የአርባ ሺህ የአሜሪካን ዶላር ክፍያ እንዲያገኙ ውሳኔ አሳልፏል፡፡
ክፍያው የፀጥታ፣ የመኖሪያ እና የጉዞ ወጪዎችን ያካተተ እንደሆነ ተገልፆዋል፡፡ ይህንን ውሳኔ ያሳወቁት የአገሪቱ የመረጃ ሚኒስትር አብዲርሃማን ኦስማን ናቸው፡፡ የካቢኔው ስብሰባ ከተጠናቀቀ በኃላ በይፋዊ የፌስቡክ ገፃቸው ላይ እንዳሉት ለቀድሞው ፕሬዝደንት ከተወሰነው የጡረታ ክፍያ ባሻገር የተሻሻለውን የሚዲያ ሕግ እና አዲሱን የፀረ ሽብር ሕግ ማፅደቃቸውን ተናግረዋል፡፡ በካቢኔው የፀደቀው የቀድሞ ፕሬዝደንት ሃሰን ሼክ ሞሃመድ የጡረታ ክፍያ የአገሪቱ ፓርላማ እንዲያፀድቀው ይጠበቃል፡፡
የቀድሞው ፕሬዝደንት ሃሰን ሼክ ሞሃመድ እ.ኤ.አ በጥቅምት 8ቱ ምርጫ ሳይቀናቸው ቀርቶ ከሥልጣን መውረዳቸው የሚታወስ ነው፡፡ በአገሪቱ የሚኖሩ ከ 43 በመቶ በላይ ዜጎች በቀን ከአንድ ዶላር በታች ነው የሚያገኙት፡፡ ከዚህም በበለጠ አገሪቱ የሽብርተኛው አል ሸባብ መናኽሪያ ሆናለች፡፡
ዘገባው የአፍሪካ ኒውስ ነው፡፡

ሚካኤል ጌታሠጠኝ

Read 56 times

Leave a comment

Make sure you enter the (*) required information where indicated. HTML code is not allowed.