Friday, 23 June 2017 09:16

አይ ኤስ (IS) በኢራቅ ሞሱል የሚገኝ ጥንታዊ መስኪድን አወደመ፡፡

Written by 
Rate this item
(0 votes)

የኢራቅ ጠቅላይ ሚኒስትር ሃይደር አላባዲ እራሱን እስላማዊ መንግስት ብሎ የሚጠራው ፅንፈኛ ቡድን በሞሱል ከተማ የሚገኘውን ጥንታዊ መስኪድ ማውደሙ በጦርነቱ ድል እንዳልቀናውና እየተሸነፈ ስለመሆኑ ማሳያ ነው ብለዋል፡፡
አይ ኤስ (IS) የኢራቅ መንግስት ኃይሎች የሚያደርጉትን ግስጋሴ ለማስቆም ውጊያ ባደረገበት ወቅት ነው አል ኑሪ የተሰኘውን ጥንታዊ መስኪድ እንዳወደመውም የተነገረው፡፡ አይ ኤስ (IS) በበኩሉ ጥንታዊ መስኪዱ የወደመው የአሜሪካ አየር ኃይል በሰነዘረው የአየር ጥቃት እንደሆነ ተናግሮዋል፡፡ ከስምንት መቶ አመታት በላይ እንዳስቆጠረ የሚነገርለት ይህ ጥንታዊ መስኪድ ከአየር ላይ በተነሳ ፎቶግራፍ መሰረት በስፋት ወድሞዋል፡፡
በኢራቅ የአሜሪካን ኮማንደር ሜጀር ጀነራል ጆሴፍ ማርቲን እንዳሉት አይ ኤስ (IS) ያወደመው የኢራቅ እና ሞሱል ታላቁን ሐብት ነው፡፡ አክለውም ይህ ድርጊት በኢራቅ እና ሞሱል ህዝብ ላይ የተፈፀመ ወንጀል እንደሆነ ነው ተናግረዋል፡፡
ግንቦት 2 ቀን 2009 ዓ.ም በተጀመረው ዘመቻ በሺዎች የሚቆጠሩ የኢራቅ ኃይሎች፣ የኩርዲሽ ተዋጊዎች፣ የሱኒ አረቦች እና የሺአ ሚሊሻዎች በአሜሪካ በሚመራው የአየር ላይ ጥቃትና ወታደራዊ ምክር እየታገዙ ቁልፍ ከተማዎችን በቁጥጥራቸው ስር ለማዋል ውጊያ ላይ ናቸው፡፡
የተባበሩት መንግስታት ድርጅት አይ ኤስ (IS) ቢያንስ አንድ መቶ ሺህ ሰዎችን በሞሱል በመያዝ እራሱን ለመከላከል እንደሚችል አስጠንቅቋል፡፡
ዘገባው የ BBC ነው፡፡

Read 54 times

Leave a comment

Make sure you enter the (*) required information where indicated. HTML code is not allowed.