Tuesday, 20 June 2017 08:07

የፕሬዚዳንት ማክሮን ፓርቲ በፈረንሳይ ፓርላማ ምርጫ ከ577 መቀመጫዎች 300 በማግኘት አሸነፈ፡፡

Written by 
Rate this item
(0 votes)

20170323 macron

በፈረንሳይ ፓርላማ ምርጫ የፕሬዚዳንት ኢማኑኤል ማክሮን ፓርቲ አብላጫ መቀመጫ በማግኘት ማሸነፉ ተገልጿል።
የፕሬዚዳንት ማክሮን ፓርቲ ከተቋቋመ ገና አንድ ዓመት ገደማ ሲሆን፥ ከግማሽ በላይ የሆኑት የፓርቲው እጩዎች አነስተኛ እና ምንም አይነት የፖለቲካ ልምድ የሌላቸው ናቸው።
እስካሁን በተደረገው የድምፅ ቆጠራም የፕሬዚዳንት ማክሮን ፓርቲ የሆነው "ላ ሬፐብሊክ ኢን ማርቼ" ተጣማሪው ከሆነው "መኦዴም" ፓርቲ ጋር በመሆን ፓርላማው ካለው 577 መቀመጫዎች ውስጥ 300 መቀመጫ ማግኘታቸውን አረጋግጠዋል።
"የፋር ራይት ናሽናል ፍሮንት" ፓርቲ ስምንት መቀመጫዎችን ብቻ ያሸነፈ ሲሆን፥ በፕሬዚዳንታዊ ምርጫው ከማክሮን ጋር ሲፎካከሩ የነበሩት የፓርቲው ሊቀመንበር ማሪየን ሊ ፐን አንድ መቀመጫ እንዳገኙ ተሰምቷል።
ፕሬዚዳንት ማክሮን ከአውሮፓ ህብረት ጋር ባለው የንግድ ግንኙነት ዙሪያ እና በሌሎች ጉዳዮች ላይ ሊያደርጉት ለሚፈልጉት ማሻሻያዎች የማስፈፀም አቅም የምርጫ ውጤቱ ይጨምርላቸዋል ተብሏል።
በምርጫው የወግ አጥባቂ ሪፐብሊካን እና ተጣማሪዎቻቸው በሚፈጥሩት ጥምረት ከ125 እስከ 131 መቀመጫዎችን መያዝ እንደሚችሉ የተገመተ ሲሆን፥ ይህም ሀይል ያለው የተቃውሞ ጉልበት ይፈጥርላቸዋል ነው የተባለው።
ባለፉት አምስት ዓመታት በስልጣን ላይ የነበረው የሶሻሊስት ፓርቲ ደግሞ ከ41 እስከ 49 የሚደርሱ መቀመጫዎችን ብቻ ማግኘት እንደሚችል ተነግሯል፤ ይህም በፓርቲው ታሪክ ዝቅተኛው ነው ተብሏል።
የዜናው የቢቢሲ ነው

 

Read 38 times Last modified on Tuesday, 20 June 2017 08:21

Leave a comment

Make sure you enter the (*) required information where indicated. HTML code is not allowed.