Wednesday, 06 April 2016 07:07

ከወደ ፌስቡክ የተሰማ መልካም ዜና፡፡

Written by 
Rate this item
(2 votes)

መጋቢት 28/2008 ዓ.ም

ዛሬ ላይ 1.8 ቢሊዮን ያህል ፎቶዎች በየቀኑ በፌስ ቡክ በትዊተርና በኢንስታግራም ገጾች ላይ ይለጠፋሉ፡፡ የእይታ ብርሃናቸውን ያጡ ሰዎች ፌስ ቡክ ላይ የሚለጠፉ ምስሎችን ለማየት እድል ሳይኖራቸው ቆይቷል፡፡ በርግጥ ኮምፒዩተር ላይ በሚጫን ስክሪን ሪደር በሚባል ሶፍትዌር ጽሁፎችን ሲያነቡ ቢቆዩም ምስሎችን ለመረዳት ግን አልቻሉም ነበር፡፡ አሁን ደሞ ፌስ ቡክ አንድ መልካም የፈጠራ ውጤት ይዞ ብቅ ብሏል፡፡

ይህ የፈጠራ ውጤት በአርቲፊሻል ኢንተለጀንስ (AI) አማካኝነት ፌስቡክና ኢንስታግራም ላይ የሚለጠፉ ምስሎችን በማንበብ የእይታ ብርሃናቸውን ያጡ ተጠቃሚዎች እንዲረዱ ያስችላል ብሏል፡፡ አዲሱ ሶፍትዌር ከሰማኒያ በላይ የምስል ሁኔታዎችን ይተረጉማል፡፡

1- በትራንስፖርት ላይ የመኪና፣ የጀልባ፣ የአውሮፕላን፣ የብስክሌት፣ የባቡር፣ የደረቅ መንገድ፣ የሞተርሳይክል እና የአውቶብስ ምስሎችን በንባብ ያቀርባል፡፡

2- በአካባቢ ሁኔታ ላይ የተራራ፣ ዛፍ፣ በረዶ፣ ሰማይ፣ ውቅያኖስ፣ የውሃ፣ የባህር ዳርቻ፣ የማእበል፣ የጸሃይ እና የሳር ምስሎችን ያነባል

3- ከስፖርታዊ እንቅስቃሴዎች የቴኒስ፣ ዋና፣ ስታዲየም፣ ቅርጫት ኳስ ፣ቤዝቦል እና የጎልፍ ስፖርቶችን ምስል ይተረጉማል

4- ከምግብ ምስሎች ደግሞ አይስክሬም፣ ሱሺ፣ ፒዛ፣ ፍራፍሬዎች እና የቡና ምስሎች ይተረጎማሉ

5- ከአካላዊ መገለጫዎች ደግሞ የህጻናት፣ የጺም፣ የፈገግታ፣ የጌጣጌጥ አቀማመጥ እንዲሁም ራስን በራስ በማንሳት የተለጠፉ ምስሎችን እያነበበ ለተጠቃሚዎች ይናገራል ተብሏል፡፡

የዚህ ቴክኖሎጂ ፈጣሪ ለፌስ ቡክ ከሚሰሩ ኢንጅነሮች አንዱ የሆነውና የእይታ ብርሃኑን ያጣው ኢንጅነር ማት ኪንግ የተባለ ሰው መሆኑም ታውቋል፡፡ ይሄው ሰው ሲናገር "ፌስ ቡክ ላይ የሚለጠፉ ብዙዎቹ ጉዳዮች በምስል የተደገፉ ናቸው፤ የእይታ ብርሃኑን ያጣ ሰው ደግሞ ብዙ ጉዳዮች እያለፉት እንደሆነ ሊያስብ ይችላል" ሲል ተደምጧል፡፡ እኛም መልካም ዜና ብለን አቅርበንላችኋል፡፡ (source BBC)

Read 1376 times

Leave a comment

Make sure you enter the (*) required information where indicated. HTML code is not allowed.