በጎንደር ዩኒቨርስቲ የተሰራው የእንቦጭ አረም ማጥፊያ ማሽን የሙከራ ስራ ጀምሯል፡፡

Written by on November 29, 2017

የእንቦጭ አረም ማሽን በይፋ ተመርቆ የሙከራ ስራ ጀመረ፡፡

ለረዥም ጊዜ ሲጠበቅ የነበረው በዩኒቨርሲቲው የተሰራው ይህ ማሽን በትላንት እለት የጎንደር ዩኒቨርሲቲ ከፍተኛ አመራሮችና ጥሪ የተደረገላቸው እንግዶች በተገኙበት የሙከራ ስራውን በይፋ ጀምሯል፡፡
ማሽኑ በሰዓት 50 ኩንታል እንቦጭ አረም መሰብሰብ የሚችል ሲሆን የሰው ሀይልን ሳይጨምር እስካሁን 2.2 ሚሊዮን ብር ወጭ ተደርጎበታል፡፡

ማሽኑን በይፋ መርቀው ያስጀመሩት የጎንደር ዩኒቨርሲቲ ፕሬዝዳንት ዶክተር ደሳለኝ መንገሻ ማሽኑ እዚህ ደረጃ እንዲደርስ ከፍተኛ ጥረት እንደተደረገ ገልጸው፤በቀጣይም ዩኒቨርሲቲው ቀሪ ስራዎቹን እንዲጠናቀቁ ድጋፉን ይቀጥላል ብለዋል፡፡
ዩኒቨርሲቲው በእንቦጭ አረም ላይ የሚሰራቸው የላብራቶሪ ምርምር ስራዎች ተስፋ ሰጭ ውጤት እየታየባቸው መሆኑን የገለጹት ዶክተር ደሳለኝ በዘርፉ ጣናን የማዳን ስራ ተጠናክሮ ይቀጥላል ብለዋል፡፡

በሀገራችን ለመጀመሪያ ጊዜ የእንቦጭ አረም ማሽን ተሰርቶ ለሙከራ በመቅረቡ መደሰታቸውን የገለጹት የአማራ ክልል ሳይንስና ቴክኖሎጂ ኢንፎርሜሽን ኮምንኬሽን ኮሚሽነር ዶክተር ሰብስበው አጥቃው ለስራው ስኬት ቢሯቸው ድጋፍ እንደሚያደርግአስታውቀዋል፡፡


Reader's opinions

Leave a Reply

Your email address will not be published. Required fields are marked *


[There are no radio stations in the database]